Սիմոն Պապյան
Սիմոն Ռաֆայելի Պապյան (օգոստոսի 3, 1953, Երևան, Հայկական ԽՍՀ, ԽՍՀՄ), ՀՀ պետական գործիչ, ՀՀ բնապահպանության նախարարի առաջին տեղակալ (2002-2017)։
| Սիմոն Պապյան | |
|---|---|
| Ծնվել է | օգոստոսի 3, 1953 (70 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Կրթություն | Երևանի պետական համալսարան |
| Գիտական աստիճան | տնտեսագիտական գիտությունների թեկնածու |
| Մասնագիտություն | երկրաբան, տնտեսագետ և պետական գործիչ |
| Պարգևներ և մրցանակներ |  |
Կրթություն խմբագրել
- 1971-1976 թթ. - սովորել և գերազանցությամբ ավարտել է Երևանի պետական համալսարանի երկրաբանական ֆակուլտետը։
- 1977-1982 թթ. - սովորել և գերազանցությամբ ավարտել է Ռոստովի պետական համալսարանի տնտեսագիտական ֆակուլտետը։
- 1982-1985 թթ. - սովորել և գերազանցությամբ ավարտել է Մոսկվայի Համաշխարհային էկոնոմիկայի և միջազգային հարաբերությունների ինստիտուտի ասպիրանտուրան։ Տնտեսագիտության թեկնածու (1985)։
Աշխատանքային գործունեությունը խմբագրել
- 1976-1979 թթ. - աշխատել է Հյուսիս-Կովկասյան երկրաբանական վարչությունում՝ որպես Կաբարդինո-Բալկարական երկրաբանական արշավախմբի հիդրոերկրաբան։
- 1979-1981 թթ. - աշխատել է Ոչ մետաղային օգտակար հանածոների երկրաբանության համամիութենական գիտահետազոտական ինստիտուտի Երևանի փորձա-մեթոդական արշավախմբում՝ որպես երկրաբան։
- 1981-1982 թթ. - աշխատել է Ոչ մետաղային օգտակար հանածոների երկրաբանության համամիութենական գիտահետազոտական ինստիտուտի Երևանի փորձամեթոդական արշավախմբում՝ որպես ավագ ինժեներ-տնտեսագետ։
- 1983-1986 թթ. - Հանքային հումքի էկոնոմիկայի համամիութենական գիտահետազոտական ինստիտուտի Կովկասյան բաժնի ավագ ինժեներ։
- 1986-1992 թթ. - Հանքային հումքի էկոնոմիկայի համամիութենական գիտահետազոտական ինստիտուտի Կովկասյան բաժնի ավագ գիտաշխատող։
- 1992-1993 թթ. - «Գեոէկոնոմիկա» ԳԻ-ի պետի տեղակալ։
- 1993-1995 թթ. - ՀՀ ընդերքի պետական վարչության պետի առաջին տեղակալ։
- 1995-2000 թթ. - Հայաստանի Հանրապետության Բնապահպանության և ընդերքի նախարարի առաջին տեղակալ։
- 2000-2002 թթ. - ՀՀ Կառավարությանն առընթեր սեյսմիկ պաշտպանության ազգային ծառայության պետի առաջին տեղակալ։
- 2002 թ. ՀՀ վարչապետի որոշմամբ նշանակվել է Հայաստանի Հանրապետության բնապահպանության նախարարի առաջին տեղակալ։
- 2017 թվականի մայիսի 31-ին ՀՀ վարչապետի որոշմամբ ազատվել է ազատել Հայաստանի Հանրապետության բնապահպանության նախարարի առաջին տեղակալի պաշտոնից[1]։
Սիմոն Պապյանը հանդիսացել է «Ազգային անվտանգության ռազմավարության» նախագծի մշակման աշխատանքները համակարգող միջգերատեսչական հանձնաժողովի անդամ, «ՀՀ Ազգային գնահատման զեկույց Ռիո+10-ի» աշխատանքային խմբի ղեկավար-խմբագիր, «ՀՀ Ազգային գնահատման զեկույց Ռիո+20-ի» խմբագրական խորհրդի անդամ։ Ղեկավարել է բնապահպանական քաղաքականության ազգային գործողությունների ռազմավարությունների մշակման աշխատանքները` Հայաստանի Հանրապետության ազգային բնապահպանական գործողությունների ծրագրի հիմնական զեկույցի համախմբագիր, Հայաստանի Հանրապետության երկրորդ բնապահպանական գործողությունների ծրագրի ազգային համակարգող, Նախարարական զեկույցների (Բնապահպանության նախարարություն) ղեկավար-խմբագիր, Հայաստանի ջրային ռեսուրսները երրորդ հազարամյակում զեկույցի համախմբագիր, Կլիմայի փոփոխության մասին 3-րդ ազգային հաղորդագրության, Հայաստանի կենսաբազմազանության 3-րդ ազգային զեկույց ծրագրի ազգային տնօրեն։
Հայաստանի Հանրապետության անունից, որպես պատվիրակության ղեկավար, հանդես է եկել միջազգային բնապահպանական կոնվենցիաների կողմերի կոնֆերանսներում ներկայացնելով Հայաստանի Հանրապետության դիրքորոշումը քննարկվող հարցերի վերաբերյալ։
Տնտեսագիտական գիտությունների թեկնածու է, հեղինակել է «Պետություն և տնտեսություն» մենագրությունը, ինչպես նաև բազմաթիվ գիտական հոդվածներ։
Պարգևներ խմբագրել
- Անանիա Շիրակացու մեդալ (2006)։
- ՀՀ բնապահպանության նախարարության «Բնապահպանության բնագավառում նշանակալի ավանդի համար» գերատեսչական ոսկե մեդալ (2008)։
- ՀՀ վարչապետի շնորհակալագիր (2006)։
Ամուսնացած է, ունի երկու դուստր և երեք թոռ։ Անկուսակցական է։
Ծանոթագրություններ խմբագրել
- ↑ «Վարչապետի որոշումներ - Հայաստանի Հանրապետության էլեկտրոնային կառավարում | e-gov». www.e-gov.am (անգլերեն). Վերցված է 2017 թ․ հունիսի 6-ին.