Սիմոն Թամազյան
- Վիքիպեդիայում կան հոդվածներ Թամազյան ազգանունով այլ մարդկանց մասին։
Սիմոն Սարգսի Թամազյան (1920, գ. Ուզունլար - ), հայ բժիշկ, գնդապետ, Երկրորդ աշխարհամարտի մասնակից։
Ծնվել է | 1920 |
---|---|
Ծննդավայր | գ. Ուզունլար |
Ազգություն | հայ |
Կրթություն | Երևանի Մխիթար Հերացու անվան Պետական Բժշկական Համալսարան |
Մասնագիտություն | բժիշկ |
Պարգևներ | Կարմիր աստղի շքանշան |
Կենսագրություն
խմբագրելՀայրը եղել է մեքենավար։ Սիմոնը միջնակարգ դպրոցն ավարտել է Սանահինում 1938 թվականին, իսկ Երևանի բժշկական ինստիտուտը՝ 1942 թվականին։ Նշանակվել է Երևանի 4-րդ պոլիկնիլիկայի վիրաբույժ։ Երկու ամիս անց զորակոչվել է բանակ։ Նշանակվել է էսկադրիլիայի բժիշկ և ուղարկվել Կինել քաղաք, ապա եղել է № 954 գրոհային գնդի ավագ բժիշկը։ Տեղափոխվելով Միջին Ասիա՝ ծառայել է Աֆղանստանի սահմանամերձ գոտում։ 1954-1959 թվականներին գլխավոր բժիշկ է եղել Խաբարովսկում։ 1970 թվականին նշանակվել է ավիացիոն կորպուսի գլխավոր բժիշկ՝ հմտորեն ղեկավարել է Հեռավոր Արևելքի տարբեր վայրերում տեղակայված բուժսանիտարական ծառայությունը։ 1970 թվականից նա միաժամանակ հետաքրքրվել է ասեղնաբուժությամբ։
Զորացրվելով բանակից՝ եկել է բանակ և աշխատանքի ընդունվել № 17 պոլիկլինիկայում։ Այստեղ 1975 թվականին առողջապահության նախարարության թույլտվությամբ առաջին անգամ հանրապետությունում ստեղծել է ռեֆլեքսոթերապիայի կաբինետ։ Հետագայում նույնպիսի կաբինետ է ստեղծում առողջապահության նախարարության 4-րդ վարչությունում, նշանակվել նրա վարիչը։
Պարգևատրվել է Կարմիր աստղի շքանշանով և տասներկու մեդալով[1]։
Ծանոթագրություններ
խմբագրել- ↑ Ա. Վ. Գրիգորյան, Բ. Գ. Մելքումյան, Հայաստանի բժիշկները Մեծ հայրենականում, գիրք 2, Ե., 1987, էջ 86-87։