Սերժիկ Ավետիսյան
- Վիքիպեդիայում կան հոդվածներ Ավետիսյան ազգանունով այլ մարդկանց մասին։
Սերժիկ Սերգեյի Ավետիսյան (փետրվարի 9, 1966, Կալինինո, Հայկական ԽՍՀ, ԽՍՀՄ), հայ իրավաբան, ՀՀ վճռաբեկ դատարանի դատավոր։ Հայաստանի Հանրապետության վճռաբեկ դատարանի քրեական պալատի նախագահ (2016)[1]։
| Սերժիկ Ավետիսյան | |
|---|---|
| Ծնվել է | փետրվարի 9, 1966 (58 տարեկան) |
| Ծննդավայր | Կալինինո, Հայկական ԽՍՀ, ԽՍՀՄ |
| Գիտական աստիճան | իրավաբանական գիտությունների դոկտոր |
| Պարգևներ և մրցանակներ |  |
Կրթություն խմբագրել
- 1991 թ. գերազանցությամբ ավարտել է ԽՍՀՄ Պաշտպանության մինիստրության Կարմրադրոշ ռազմական ինստիտուտի ռազմաիրավաբանական ֆակուլտետը։
Աշխատանքային գործունեությունը խմբագրել
- 1991-1993 թթ. - Անդրկովկասյան ռազմական օկրուգի 7-րդ բանակի 59-րդ զինվորական տրիբունալի դատավոր։
- 1993-1995 թթ. - ՀՀ պաշտպանության նախարարության պայմանագրերի և արտաքին հարաբերությունների վարչության խմբի սպա, ավագ սպա, այնուհետև՝ բաժանմունքի պետ։
- 1995 թ. ապրիլի 26-ին ՀՀ Գերագույն Խորհրդի որոշմամբ ընտրվել է Գերագույն դատարանի զինվորական գործերի դատական կոլեգիայի դատավոր։
- 1997 թ. օգոստոսի 15-ին ՀՀ Նախագահի հրամանագրով նշանակվել է Գերագույն դատարանի զինվորական գործերի դատական կոլեգիայի նախագահ՝ Հայաստանի Հանրապետության գերագույն դատարանի նախագահի տեղակալ։
- 1998-1999 թթ. - ՀՀ արդարադատության նախարարության վերահսկողական ծառայության պետ։
- 1999-2012 թթ. - Հայաստանի Հանրապետության վերաքննիչ քրեական դատարանի դատավոր։
- 1999-2004 թթ. - Հայաստանի Հանրապետության արդարադատության խորհրդի անդամ։
- 2012 թ. հունիսի 20-ին ՀՀ Նախագահի հրամանագրով նշանակվել է Հայաստանի Հանրապետության վճռաբեկ դատարանի քրեական պալատի դատավոր[2]։
Գիտամանկավարժական գործունեությունը խմբագրել
- 2001 թվականից - Հայ-ռուսական (Սլավոնական) համալսարանի քրեական իրավունքի և քրեական դատավարության ամբիոնի պրոֆեսոր։
- Իրավաբանական գիտությունների թեկնածու (1998)։
- Իրավաբանական գիտությունների դոկտոր (2005) (ՌԴ Արդարադատության նախարարության Ռուսաստանյան իրավական ակադեմիա)։
- 100 գիտական, ուսումնական, ուսումնամեթոդական աշխատանքների, այդ թվում 10 մենագրությունների, 5 դասագրքերի և ուսումնական ձեռնարկների, 70-ից ավելի գիտական հոդվածների և միջազգային զեկույցների հեղինակ։
- «Քրեական իրավունքի հանրագիտարան» 35-հատորյակի համահեղինակ։
- Պրոֆեսոր (2008)։
- Հայաստանի Հանրապետության ԲՈՀ-ի իրավագիտության 063 մասնագիտական խորհրդի նախագահ (2011)։
Պարգևներ և կոչումներ խմբագրել
- Մխիթար Գոշի մեդալ (2011)[3]։
Ծանոթագրություններ խմբագրել
- ↑ «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2016 թ․ սեպտեմբերի 20-ին.
- ↑ Ս. Ավետիսյանին ՀՀ վճռաբեկ դատարանի քրեական պալատի դատավոր նշանակելու մասին
- ↑ Մխիթար Գոշի մեդալով պարգևատրելու մասին