Սերգեյ Սպասոկուկոցկու հուշարձան

Սերգեյ Սպասոկուկոցկու հուշարձան (ռուս.՝ Памятник Сергею Спасокукоцкому), հուշարձան Ռուսաստանի մայրաքաղաք Մոսկվայում, որը նվիրված է ռուս և խորհրդային գիտնական, վիրաբույժ, խորհրդային կլինիկական դպրոցի հիմնադիր, ԽՍՀՄ գիտությունների ակադեմիայի ակադեմիկոս, ԽՍՀՄ Պետական մրցանակի դափնեկիր Սերգեյ Սպասոկուկոցկուն (1870-1943)։ Քանդակագործ Վսևոլոդ Լիշևը և նրա ուսանողուհի Եկատերինա Բելաշովան հուշարձանը ստեղծել են 1944 թվականին[1]։ Սակայն նրա բացումը տեղի է ունեցել միայն 1946 թվականին[2], իսկ այլ տվյալներով՝ 1947 թվականին։ Որպես հուշարձանը տեղադրելու վայր ընտրվել է Նիկոլայ Պիրոգովի անվան քաղաքային կլինիկական հիվանդանոցի շենքի դիմացի այգին։ Այս հիվանդանոցում ակադեմիկոսն աշխատել է երկար տարիներ[3][4][5]։ 1960 թվականին հուշարձանը վերցվել է պետական պաշտպանության տակ (ՌԽՖՍՀ նախարարների խորհրդի 1960 թվականի օգոստոսի 30-ի «ՌԽՖՍՀ-ում մշակութային հուշարձանների պահպանության գործի հետագա բարելավման մասին» թիվ 1327 որոշման համաձայն, գրանցման համար` 771410662990006)[6]։

Picto infobox architecture.png
Սերգեյ Սպասոկուկոցկու հուշարձան
Կոորդինատներ55°43′30″ հս․ լ. 37°36′09″ ավ. ե.HGЯO
Գտնվում էՌուսաստան Ռուսաստան
Մոսկվա
Կառուցվել է1947
Շինության ձևըԿիսանդրի
Կառուցել էՎսևոլոդ Լիշև, Եկատերինա Բելաշովա
Ներկա վիճակըԿանգուն

Հուշարձանի հասցեն` ք. Մոսկվա, Լենինի պողոտա, տուն 8, մասնաշենք 1։

ՆկարագրությունԽմբագրել

Մինչև գոտկատեղը բրոնզե կիսանդրին պատրաստված է դիմանկարային նմանությամբ։ Քանդակը տեղադրված է բարձր եռաստիճան ուղղանկյունաձև գրանիտե պատվանդանի վրա։ Նույն նյութից պատրաստված ցուցանակի վրա արված է հետևյալ գրությունը. «Սպասոկուկոցկի Սերգեյ Իվանովիչ։ 1870-1943»։ Բժիշկը պատկերված է բժշկական խալաթով, նա մտախոհ է և կենտրոնացած[7][8][9]։

ԾանոթագրություններԽմբագրել

ԳրականությունԽմբագրել