Սեչքին Օզդեմիր
Սեչքին Օզդեմիր (թուրքերեն՝ Seçkin Özdemir, օգոստոսի 25, 1981, Ստամբուլ, Թուրքիա), թուրք դերասան և ռադիոհաղորդավար։ Առավել հայտնի է դարձել՝ նկարահանվելով Պամիր Մարդենի դերում Վարձու սեր հեռուստասերիալում։
 թուրքերեն՝ Seçkin Özdemir | |
|---|---|
| Ծնվել է | օգոստոսի 25, 1981 (42 տարեկան) |
| Ծննդավայր | Ստամբուլ, Թուրքիա |
| Քաղաքացիություն |  Թուրքիա |
| Մասնագիտություն | ռադիոհաղորդավար, հեռուստահաղորդավար, դերասան և մոդել |
Կենսագրություն խմբագրել
Սեչքին Օզդեմիրը ծնվել է 1981 թվականի օգոստոսի 25-ին Ստամբուլում։ Ավարտել է Քոջաելիի համալսարանի տնտեսագիտության ֆակուլտետը։ 2000 թվականին իր կարիերան սկսել է ռադիոյում, որտեղ վարել է երաժշտական հաղորդում Red Fm-ով, իսկ 2002- 2004 թվականներին վարել է Brainstorm ռադիոշոուն։ 2004 թվականին Սեչքինը վարել է ինտերակտիվ շոու My Radio-ով։ Զուգահեռաբար աշխատել է որպես դիջեյ և հաղորդավար՝ Ստամբուլի էլիտար ակումբներում։
Բացի ռադիոյում աշխատելուց, Սեչքինը նկարահանվել է նաև գովազդներում, իսկ 2008 թվականին նկարահանվել է «Վայրի վարդը» հեռուստասերիալում։ 2011 թվականին խաղացել է Իլյասի դերը «Կարմիր գլխաշոր» հեռուսատսերիալում, իսկ հաջորդ տարի մարմնավորել է իտալացի փախստական Լուկային՝ Հոյակապ դար հեռուստասերիալում[1]։ Այնուհետև նկարահանվել է «Սիրո պատմություն», «Մեղագործը»[2], «Սիրո տառապանքը»[3] և «Վարձու սեր» հեռուստասերիալների գլխավոր դերերում[4]։
Անձնական կյանք խմբագրել
2016 թվականին նշանվել է դերասանուհի Դերյա Շենսոյի հետ[5], որի հետ հանդիպում է 2014 թվականից[6]։ 2016 թվականի նոյեմբերին զույգը հայտարարեց բաժանման մասին։
Ֆիլմագրություն խմբագրել
| Տարի | Հայերեն անվանում | Բնօրինակ անվանում | Դեր | |
|---|---|---|---|---|
| 2008 | ֆ | Վայրի վարդ | Yaban Gülü | Բուրակ |
| 2011 | ֆ | Կարմիր գլխաշոր | Al Yazmalım | Իլյաս Ավջի |
| 2012 | ֆ | Հոյակապ Դար | Muhteşem Yüzyıl | Լուկա |
| 2013 | ֆ | Սիրո պատմություն | Bir Aşk Hikayesi | Քորքութ Ալի |
| 2014 | ֆ | Մեղսագործ | Günahkar | Ալի Յուսուֆ Թան |
| 2015 | ֆ | Ռաքոն | Racon - Ailem İçin | Ադնան Քորհան |
| 2015 | ֆ | Սիրո տառապանքներ | Acı Aşk | Բուլութ Օվջաք |
| 2016 | ֆ | Վարձու սեր | Kiralık Aşk | Պամիր Մարդեն |
| 2017 | ֆ | Լուսատիտիկ | Ateşböceği | Բարըշ Բուքա |
Ծանոթագրություններ խմբագրել
- ↑ «İşte Leo'nun gerçek Hürrem'i» (թուրքերեն). HABERTÜRK MAGAZİN. 03 Ağustos 2011. Վերցված է 2016 թ․ նոյեմբերի 22-ին.
- ↑ «Günahkar dizisi ilk bölüm için nefesler tutuldu!» (թուրքերեն). Milliyet. 04.11.2014. Վերցված է 2016 թ․ նոյեմբերի 22-ին.
- ↑ «Acı Aşk ilk bölümü ile pazar akşamı Show TV'de başlıyor!» (թուրքերեն). HABERTÜRK MAGAZİN. 18 Aralık 2015. Վերցված է 2016 թ․ նոյեմբերի 22-ին.
- ↑ «Yeni sezon pozu». 19.09.2016 (թուրքերեն). Milliyet. Վերցված է 2016 թ․ նոյեմբերի 22-ին.
- ↑ «Seçkin Özdemir aileye girdi» (թուրքերեն). HABERTÜRK MAGAZİN. 15 Mayıs 2016. Վերցված է 2016 թ․ նոյեմբերի 22-ին.
- ↑ «Derya Şensoy ve Seçkin Özdemir'in romantik tatili!» (թուրքերեն). Milliyet. 09.10.2014. Վերցված է 2016 թ․ նոյեմբերի 22-ին.