Սեուլի ամրապատ (կորեերեն՝ 서울 漢陽都城), քարից, փայտից և այլ նյութերից կառուցված պարիսպ՝ Սեուլ քաղաքը զավթիչներից պաշտպանելու նպատակով։ Պարիսպը կառուցվել է 1396 թվականին ցուցադրելու և պաշտպանելու Սեուլ քաղաքի սահմանները։ Ժամանակին այն կոչվում էր Hansung։ Պարիսպը ձգվում է 18․6 կմ ՝ Սեուլի չորս լեռների լանջերի երկայնքով՝ Բուգակսան, Ինվագսան, Նաքսան և Նամսան։ Ներկայում պատի 12 կիլոմետրանոց հատվածը համարվում է պատմական վայր և համապատասխանաբար պահպանվում է դարպասների, ջրային դարպասների և ազդանշանային կրակի բլուրների հետ միասին։ Նամսան լեռան հյուսիսային, արևելյան և հարավային հատվածներում իրականացվել են լայնածավալ վերականգնման աշխատանքներ, քանի որ դրանց մի մասը վնասվել, մյուս մասն էլ ամբողջությամբ ավերվել էր Ճապոնական կայսրության օրոք (1910-1945թթ․)։

Museum Silhouette.svg
Սեուլի ամրապատ
Gwanghuimun Gate, with Fortress Wall, Seoul, Korea.jpg
Տեսակքաղաքի պատ
ԵրկիրFlag of South Korea.svg Հարավային Կորեա
ՏեղագրությունՍեուլ
Ժառանգության կարգավիճակՀամաշխարհային ժառանգության նախնական ցանկի օբյեկտ և Historic sites of South Korea?

ԿառուցումԽմբագրել

Թագավոր Տխեջոյի կողմից Չոսոն դինաստիայի հիմնադրումից հինգ տարի անց՝ 1395 թվականին, թագավորը հիմնեց կառավարության գրասենյակը, որպեսզի կառուցվի Սեուլը պաշտպանող ամրությունը։ Նա հրամայեց Ջոն դո Ջոնին գտնել վայր և համապատասխան հաշվարկներ կատարել։ 1395 թվականի հունվարի 1-ին (ըստ լուսնային օրացույցի) թագավոր Տխեջոն հիմքի դրման արարողություն իրականցրեց։ 197․400 երիտասարդներ երկու տարվա ընթացքում իրականացրել են կառուցումը և ավարտել են Բուգակսան, Ինվագսան, Նաքսան և Նամսան լեռների երկայնքով ընթացող պատերզամի ավարտից 98 օր անց։ Պարիսպը բաղկացած է եղել 8 դարպասից, որոնցից բոլորն ի սկզբանե կառուցվել են 1396-1398 թթ․ ընթացում։

ԲնութագիրԽմբագրել

Պարսպի՝ 14-րդ դարի վերջին կառուցված նախնական պատերը, բաղկացած են միջին չափի կլոր քարերից, որոնք ամրացված են կավով։ 15-րդ դարի կեսերին Սեջոնգ Մեծ թագավորի օրոք պատի վրա լայնածավալ վերանորոգման աշխատանքներ են իրականացվել, այդ թվում պատերի հողային բաժինները փոխարինվել են ուղղանկյուն քարե հատվածներով։ Խոշոր վերականգնումը տեղի է ունեցել 1704 թվականին Սուկչոն թագավորի օրոք՝ վերականգնվել են պատի հատվածները, օգտագործելով մեծ միատարր քարե սալիկներ, որոնք նշում են պարսպի վերջնական և եզակի բնութագիրը։

ԴարպասներԽմբագրել

14-րդ դարի վերջին Սեուլի շուրջ կառուցվել էին չորս գլխավոր և չորս օժանդակ դարպասներ։ Չորս գլխավոր դարպասներն էին՝ Տոնդեմուն (Արևելյան դարպասներ), Դոնուիմուն (Արևմտյան դարպասներ), Նամդեմուն (Հարավային դարպասներ) և Սուկջեոնմուն (Հյուսիսային դարպասներ)։ Օժանդակ դարպասները գտնվում էին չորս գլխավոր դարպասների արանքում՝ Սոուիմուն (հարավ-արևմտյան հատվածում), Չանգուիմուն (հյուսիս-արևմտյան), Հյեհվամուն (հյուսիս-արևելյան) և Գվանհուիմուն (հարավ-արևելյան)։ Ներկայումս իրենց սկզբնական տեսքը պահպանել կամ ռեստավրացիայի են ենթարկվել Նամդեմունը (Հարավային դարպասներ) և Տոնդեմունը (Արևելյան դարպասներ)։ Նրանք ընդգրկված են Կորեայի Հանրապետության ազգային հարստության ցանկում՝ առաջին համարի ներքո[1]։

ԿարգավիճակԽմբագրել

30 տարվա ընթացքում կառուցված պատի շատ մասեր քանդվել են փողոցների երեսարկման և տրամվայի գծերի անցկացման պատճառով։ Այնուամենայնիվ, պարսպի նշանակալի մասերը պահպանվել են։ Ամենալավ պահպանված և հայտնի երթուղիներից է Բուկակսան լեռան պարիսպը՝ 2,3 կիլոմետրանոց արահետով, որը անցնում է Սուկջոնմունով։ Նախկինում հասարակության համար փակ էր ռազմական օբյեկտին մերձ լինելու պատճառով, հետագայում արահետը հասարակության համար բացվեց 2006 թվականին։ Տարիների ընթացքում այդ տարածաշրջանում քիչ բան է փոխվել և շատ արհեստական ​​կառույցներ չեն կառուցվել, ուստի բնական միջավայրը մնում է համեմատաբար անփոփոխ[2]։

ՊատկերասրահԽմբագրել

ԾանոթագրություններԽմբագրել

  1. UNESCO (2014-08-15). « http://whc.unesco.org/en/tentativelists/5781/ » UNESCO. UNESCO.
  2. «Hiking trip along the Wall» (անգլերեն)։ Visit Korea։ 2014-07-30 

Արտաքին հղումներԽմբագրել