Սափոր գունազարդ (մ․թ․ա․ 19-18-րդ դարեր, Տավուշ, Արծվաբերդ)
Սափոր գունազարդ, մ․թ․ա․ 19-18-րդ դարերում Տավուշի մարզի Արծվաբերդ գյուղում հայտնաբերված սափոր, որը ներառված է Հայաստանի պատմության թանգարանի հավաքածուում 2311-1 համարի ներքո։
 | |
|---|---|
| նյութ | կավ |
| բարձրություն | 52 |
| լայնություն | 37 |
| ստեղծվել է | մ. թ. ա. 19-18-րդ դարեր |
Նկարագրություն
խմբագրելԿարասաձև խոշոր անոթ է՝ կարմիր անգոբապատ։ Լայնաբերեն է՝ ոչ բարձր պարանոցով, դեպի դուրս թեքված կլոր շրթապսակով, հարթ նստուկով։ Իրանը բոլորված է ալիքաձև զարդանախշով հարդարված քառանկյուներով, զիգզագ ժապավեններով և թռչնապատկերներով։ Նկարազարդումը արված է կարմիր հիմնագույնի վրա սև փայլաներկով։
Զարդանկարի սյուժեն երկնային և երկրային հորիզոնների վերաբերյալ հնագույն աստեղային պատկերացումներն են։ Վերին հորիզոնում՝ երկնային օվկիանոսը՝ ջուրը, ներկայացված է պարանոցի հիմքի ալիքավոր գծերով և արեգակը՝ թռչուններով։ Ստորին երկու գոտիները զիգզագներով, եռանկյունիներով և նրանց մոտ լողացող թռչուններով, խորհրդանշում են երկիրը և ջուր-ստորին ծով գաղափարը[1]։
Ծանոթագրություններ
խմբագրել- ↑ Հայացք բրոնզե դարից, Ալբոմ-կատալոգ, Հայաստանի պատմության թանգարան, 2016, 160 էջ։ A Glance from the Bronze Age. Yerevan, History Museum of Armenia, 2016, 160 pages.
Աղբյուրներ
խմբագրել- Հայացք բրոնզե դարից, Ալբոմ-կատալոգ, Հայաստանի պատմության թանգարան, 2010։
Այս հոդվածի կամ նրա բաժնի որոշակի հատվածի սկզբնական տարբերակի նյութը տրամադրված է Հայաստանի պատմության թանգարանի կողմից ԳԼԱՄ ծրագրի շրջանակներում։  |