Սարգիս Ադամյան (երաժիշտ)
Անվան այլ կիրառումների համար տե՛ս՝ Սարգիս Ադամյան (այլ կիրառումներ)- Վիքիպեդիայում կան հոդվածներ Ադամյան ազգանունով այլ մարդկանց մասին։
Սարգիս Ադամյան (հունվարի 1, 1977, Հալեպ, Սիրիա), հայ դաշնակահար, երաժիշտ։
| Սարգիս Ադամյան | |
|---|---|
 | |
| Ծնվել է | հունվարի 1, 1977 (47 տարեկան) Հալեպ, Սիրիա |
| Երկիր |  Սիրիա |
| Մասնագիտություն | դաշնակահար |
| Գործիքներ | դաշնամուր |
| Գործունեություն | Սիրիայի պետական հեռուստատեսության կոմպոզիտոր |
| Կրթություն | Երևանի Կոմիտասի անվան պետական կոնսերվատորիա (2015) |
 Sarkis Atamian Վիքիպահեստում | |
Կենսագրություն խմբագրել
Սարգիս Ադամյանը ծնվել է Սիրիայի Հալեպ քաղաքում 1977 թվականին։ Սովորել է Սիրիայի պետական երաժշտական քոլեջում։ Եղել է Սիրիայի պետական հեռուստատեսության կոմպոզիտոր, երաժիշտ։ 2001 թվականին թողարկել է անդրանիկ ձայնասկավառակը 16 ստեղծագործությամբ։ 2007-2012 թվականներին հիմնադրել է ձայնագրման ստուդիա, ստեղծագործել և գործիքավորել է սիրիահայ երգիչների և սիրիական հեռուստատեսության հատուկ պատվերներով[1], 2008-2012 թվականներին սիրիական պետական հեռուստակայանի պատվերով ստեղծել է չորս կինոնկարների երաժշտություն և մեկ հումորային սերիալի երաժշտություն։ Գործիքավորել և ձայնագրել է հայկական աշուղական 45 երգեր՝ սիրիահայ երգիչ Մհեր Մինասյանի հետ համատեղ։ 2011 թվականին թողարկել է երկրորդ ձայնասկավառակը 15 ստեղծագործությամբ։ 2012 թվականից ապրում և ստեղծագործում է Երևանում։ Հայաստանում հիմնել է իր երաժշտական նվագախումբը՝ «Nour Band», Երևանում ունի ձայնագրման ստուդիա։
2016 թվականին թողարկել է «Հայաստան» ալբոմը։ 2017, 2018, 2019 թվականների տարիներին հեղինակել է ժամանակակից երաժշտական ստեղծագործություներ (Crazy Chat) դաշնամուրի, ջութակի, թավջութակի համար (The Visitor from Other World ): 2019 թվականին մասնակցել է Հայաստանի հանրային ռադիոյում Կոմիտաս վարդապետի ծննդյան 150-ամյակի մրցույթին։ Վերամշակել է Կոմիտասի երկու ստեղծագործություններ (Կրունկ) և (Հով արեք սարեր ջան) դաշնամուրի և Կոմիտասի կենդանի ձայնի համար։ 2020 թվականին ավարտել է Երևանի մշակույթի համալսարանի գործիքային կատարողական արվեստի բաժինը։
Անդամակցություն խմբագրել
- Սիրիայի արվեստագետների միության անդամ
Ստեղծագործություններ խմբագրել
Ունի տարբեր երաժշտական ոճերի շուրջ 34 ստեղծագործություն։
- "Palmyria" (ուդ և նվագախումբ)
- "Syria" (ուդ և նվագախումբ)
- "A part of me in Yerevan" (դաշնամուր և ջութակ)
- "Homeland" (նվագախումբ)
- "Spirit of Orient" (նվագախումբ)
- "Yerevan yev Ser" (դաշնամուր և նվագախումբ)
- " Armenia " (դաշնամուր)
- "Wan under fool moon" for String Quartet
- "Armenian Dance" (դաշնամուրային տրիո)
- «Իմ հուշեր» (Im Husher ) (դաշնամուրային տրիո)
- "Broken Mirror" (դաշնամուր և ջութակ)
Մրցանակներ խմբագրել
- Սիրիայի Մշակույթի նախարարության պետական (ստեղծագործական մտքի) մրցանակի թեկնածու, 2012
- Գյումրիի Վերածնունդ միջազգային երիտասարդ կոմպոզիտորների մրցույթում պատվոգիր-դիպլոմ, 2013
- ՀՀ սփյուռքի նախարարության շնորհակալագիր (Հայապահպանման, Հայկական մշակույթի տարածման և զարգագման գործում), 2013
- Գյումրիի Վերածնունդ միջազգային երիտասարդ կոմպոզիտորների մրցույթի 3-րդ դափնեկիր, 2014
- Գյումրիի Վերածնունդ մրցույթի դափնեկիր, 2017
Ծանոթագրություններ խմբագրել
- ↑ «Սարգիս Ադամյան». Արխիվացված է օրիգինալից 2016 թ․ հունվարի 20-ին. Վերցված է 2014 թ․ մայիսի 15-ին.
Արտաքին հղումներ խմբագրել
 | Վիքիպահեստն ունի նյութեր, որոնք վերաբերում են «Սարգիս Ադամյան (երաժիշտ)» հոդվածին։ |