Սան Խուան (սուզանավ)
| Սան Խուան | ||
|---|---|---|
| San Juan | ||
 | ||
| «Սան Խուան» սուզանավը 2007 թվականին «Մար դել Պլատայի» բազայում | ||
| Նավի պատմությունը | ||
| Դրոշի պետություն |  Արգենտինա
| |
| Գրանցման նավահանգիստ | Մար դել Պլատա | |
| Ջրարկված | 1982թ, մարտի 18 | |
| Դուրս հանած տորմիղի կազմից | 2017թ, նոյեմբերի 15 | |
| ժամանակակից կարգավիճակ | խորտակվել է անհայտ պատճառով | |
| Հիմնական բնութագրեր | ||
| Նախագծի նշանակում | «Սանտա Կրուզ» տիպի սուզանավ | |
| Վերջրյա արագություն | 15 հանգույց | |
| Ստորջրյա արագություն | 25 հանգույց | |
| անձնակազմ | 44 | |
| Չափսեր | ||
| Ստորջրյա ջրատարողություն | 2336 տ | |
| Առավելագույն երկարություն (ըստ ԿՋԳ-ի) | 67,30 մ | |
| Կորպուսի առավելագույն լայնություն | 8,36 մ | |
| Բարձրություն | 7,34 մ | |
| Սպառազինություն | ||
 ՊատկերներՎիքիպահեստում |
||
Սան Խուան (ARA San Juan (S-42)), Արգենտինայի ռազմածովային ուժերին պատկանող գերմանական արտադրության TR-1700 տիպի սուզանավ։
ՊատմությունԽմբագրել
Սուզանավն արտադրել է Thyssen Nordseewerke ընկերությունը գերմանական Էմդեն քաղաքում 1980 թվականի դեկտեմբերի 6-ին։ Արգենտինայի ծովային նավատորմի հաշվեկշռին է անցել 1985 թվականի նոյեմբերի 19-ին։
Այն ունի մեկ ընդհանուր կմախք, թեթև քթով, նավախելով և կենտրոնական մասի անջրանցիկ վերնակառույցով։ Սուզանավն անվանումը ստացել է Արգենտինայի Սան Խուան նահանգի անունից։ Արգենտինայի սուզանավերի անվանումները սկսում են լատիներեն S տառով, որով նրանք տարբերվում են նույնանուն կործանիչներից (1911), ջրաբանական նավերից (1929) և տորպեդային նավակներից (1937)[1][2]։
ԾառայությունԽմբագրել
Սուզանավն Արգենտինայի ռազմածովային նավատորմին է անցել 1985 թվականի նոյեմբերին[3]։
1994 թվականին «FleetEx 2/94» զորավարժության ողջ ընթացքում «Սան Խուանին» հաջողվել է խուսափել ամերիկյան հակասուզանավային ուժերի կողմից հայտնաբերվելուց՝ խախտելով Էսկադրային ականակիր նավի պաշտպանությունը և «խորտակելով» ԱՄՆ հրամանատար նավ USS Mount Whitney-ը։ Սուզանավը մասնակցել է նաև Gringo-Gaucho և UNITAS զորավարժություններին[4][5]։
2008-2013 թվականների ընթացքում Արգենտինան թարմացրել է միջին կարգի սուզանավերը, որոնց թվում էր նաև «Սան Խուանը»։ Արդիականացումը տեղի է ունեցել Արգենտինայի ռազմաարդյունաբերական CINAR (Argentine Industrial Naval Complex) համալիրի նավաշինարանում, որից հետո «Սան Խուանը» մասնակցել է Պուերտո Մադրին շրջանի տնտեսական գոտու դիտորդական զորավարժությանը, հատկապես կատարելով անօրինակ ձկնորսության դեմ պայքարի առաջադրանքներ[6][7]։
Սուզանավի խորտակումԽմբագրել
2017 թվականի նոյեմբերին սուզանավն Ուշուայայի նավահանգիստի «Ուշուայա» ռազմածովային բազայից մշտական տեղակայման համար ուղևորվել է Մար դել Պլատա քաղաքի «Մար դել Պլատա» ռազմածովային բազա։ Սուզանավում եղել է անձնակազմի 44 անդամ[8]։ 2017 թվականի նոյեմբերի 16-ին Բուենոս Այրեսից մոտ 1400 կմ հեռավորության վրա «Սան Խուանը» դադարել է կապի մեջ մտնել։ Վերջին անգամ ազդանշաններ ուղարկել է նախորդ օրը (նոյեմբերի 15-ին ժամը 07։30-ին)։ Հաղորդակցման ընթացքում սուզանավի հրամանատարը հաղորդել է սուզանավի էլեկտրամատակարարման համակարգում եղած կարճ միացման խնդրի մասին[9]։ Սուզանավի որոնմանը մասնակցել են 18 երկրների նավեր և ավիացիա։ Հիմնական վարկածն այն էր, որ աղետը տեղի է ունեցել սնուցման մարտկոցներից մեկում եղած կարճ միացման հետևանքով։ 2017 թվականի դեկտեմբերի 1-ին Արգենտինայի կառավարությունը որոշում կայացրեց փրկարարական գործողությունների դադարեցման մասին՝ հայտարարելով, որ սուզանավի որոնողական աշխատանքերը կշարունակվեն[10][11]։
ՀայտանբերումԽմբագրել
Աղետից մեկ տարի հետո, 2018 թվականի նոյեմբերի 17-ին Արգենտինայի իշխանությունները հայտարարեցին, որ սուզանավը հայտնաբերվել է Վալդես թերակղզու մոտ 800 մետր խորության վրա[12][13]։ Սուզանավը հայտանբերվել է ամերիկյան մասնավոր Ocean Infinity ընկերության ստորջրյա հեռակա վերահսկղվող սարքով, որի համար ընկերությունը ստացել է 7,5 մլն դոլար պարգև[14]։
ՊատկերասրահԽմբագրել
Սան Խուան և Սանտա Կրուզ սուզանավերը, 2007
Սան Խուան, Բուենոս Այրեսի նավահանգիստ, 2017թ մայիս
.jpg)
ԾանոթագրություններԽմբագրել
- ↑ F. A. Buttress, H. J. Heaney, World Guide to Abbreviations of Organizations, Boston, MA, «Springer Science & Business Media» — 104 էջ, ISBN 978-1-4684-8742-8։
- ↑ Aaron Donaghy, The British Government and the Falkland Islands, 1974-79, Houndmills, Basingstoke, Hampshire, «Palgrave Macmillan UK» — 10 էջ, ISBN 978-1-137-32956-1։
- ↑ «Submarino Argentino ARA San Juan vuelve a estar en el agua» (իսպաներեն)։ www.elsnorkel.com։ 2014-02-07։ Վերցված է 2018-11-19
- ↑ «El día que el ARA San Juan sorprendió a la Armada de Estados Unidos» (իսպաներեն)։ La Nacion։ 2017-11-22։ Վերցված է 2018-11-19
- ↑ «Ejercicio Fleetex 2/94 "George Washington"» (իսպաներեն)։ www.elsnorkel.com։ 2014-08-12։ Վերցված է 2018-11-19
- ↑ «How Did Argentina Lose a Submarine And Its Crew?» (անգլերեն)։ teleSUR։ 2017-11-17։ Վերցված է 2017-11-17
- ↑ Morales, Fernando (2017-11-17)։ «Cómo es el submarino ARA San Juan que es intensamente buscado» (իսպաներեն)։ Infobae։ Վերցված է 2017-11-18
- ↑ «У берегов Аргентины пропала подводная лодка»։ Газета.Ru։ 2017-11-17։ Վերցված է 2018-11-19
- ↑ «Исчезнувшая субмарина: что могло произойти на «Сан-Хуане»?»։ Русская служба Би-би-си։ 2017-11-21։ Վերցված է 2018-11-19
- ↑ Иванова, Анастасия (2017-12-01)։ ««Спасённых не будет»: Аргентина признала гибель экипажа подлодки «Сан-Хуан»»։ RT։ Վերցված է 2017-12-01
- ↑ «Российский аппарат совершил погружение в зоне поиска подлодки Аргентины»։ РБК։ 2017-12-03։ Վերցված է 2018-11-19
- ↑ «В Атлантическом океане нашли затонувшую год назад аргентинскую подлодку»։ Интерфакс։ 2018-11-17։ Վերցված է 2018-11-19
- ↑ «Аргентинские военные показали фотографии затонувшей подлодки»։ Интерфакс։ 2018-11-17։ Վերցված է 2018-11-19
- ↑ Federico Rivas Molina (2018-11-18)։ «Hallados los restos del submarino ‘ARA San Juan’ un año después de su desaparición» (իսպաներեն)։ El País։ Վերցված է 2018-11-19
Արտաքին հղումներԽմբագրել
- «Historia» (իսպաներեն)։ Armada Argentina։ Վերցված է 2018-11-19
- «Naval» (անգլերեն)։ Nordseewerke EMDEN Shipyard։ Վերցված է 2018-11-19
| Այս հոդվածը կատեգորիայի կարիք ունի։ Դուք կարող եք օգնել նախագծին՝ կատեգորիա գտնել կամ ստեղծել ու ավելացնել հոդվածին։ |