Ռուսական կայսրության օրենքների լրիվ ժողովածու, օրենսդրական ակտերի ժամանակագրական ժողովածու։ Ընդգրկել է ռուս, ցարի հաստատած բոլոր տեսակի ակտերը՝ բացառությամբ եկեղեցական կառավարման, արքունական տանն ու պալատական
գերատեսչությանը վերաբերող ակտերի։ Առաջին հրատարակությունը ընդգրկել է 1649-1825 թվականների օրենսդրական գործող և չգործող ավելի քան 30 հազար ակտ առաջին 40 հատորը՝ օրենսդրական ակտերը, 41-ը՝ ժամանակագրական ցուցիչը, 42-ը՝ այբբենական-առարկայական ցուցիչը, 43-44-ը՝ զինվորական, ռազմածովային և քաղաքացիական աստիճանների հաստիքները, 45-ը՝ տարիֆները։ Քառահատոր «առդիրները» ընդհանուր թվի մեջ չեն մտել։ Թեև կոչվում է լրիվ, սակայն ակտերի մի մասը, քաղաքական նկատառումներով ժողովածուից դուրս է մնացել։ Երկրորդ հրատարակությունը ընդգրկել է 1825—1881 թվականների շուրջ 60 հազար, երրորդ հրատարակությունը 1881-1913 թվականների շուրջ 40 հազար օրենսդրական ակտ։ ժողովածուի ստեղծման նպատակը ճորտատիրական կարգերի ճգնաժամի և բուրժուական հարաբերություններին զարգացման պայմաններում հասարակական և պետական կարգի ամրապնդումն էր։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 36)։ 
|
Complete Collection of Laws of the Russian Empire Վիքիպահեստում
