Ռուբեն Մեհրաբյան
Ռուբեն Մեհրաբյան (հոկտեմբերի 8, 1967, Երևան, Հայկական ԽՍՀ, ԽՍՀՄ), հայ քաղաքագետ, Քաղաքական և միջազգային հետազոտությունների հայկական կենտրոնի փորձագետ։ Գործունեության հիմնական ուղղվածությունն է՝ Հայաստանի և տարածաշրջանի քաղաքականության և անվտանգության հիմնախնդիրները[1]։
Ռուբեն Մեհրաբյան | |
---|---|
Ծնվել է | հոկտեմբերի 8, 1967 (56 տարեկան) |
Ծննդավայր | Երևան, Հայկական ԽՍՀ, ԽՍՀՄ |
Քաղաքացիություն | Հայաստան |
Կրթություն | Երևանի Մխիթար Հերացու անվան Պետական Բժշկական Համալսարան |
Մասնագիտություն | քաղաքագետ և բժիշկ |
Կենսագրություն խմբագրել
Ծնվել է 1967 թվականի հոկտեմբերի 8-ին Երևանում[1]։
1984 թվականին ավարտել է Երևանի թիվ 69 միջնակարգ դպրոցը։ Ավարտել է Երևանի պետական բժշկական համալսարանը[1]։
1999-2002 թվականներին սովորել և ավարտել է Ս.Մ. Կիրովի անվան ռազմաբժշկական ակադեմիան, Սանկտ Պետերբուրգ[1]։
Ավարտել է Քաղաքական դասընթացների երևանյան դպրոցը (ՔԴԵԴ)[1]։
Աշխատանքային գործունեություն խմբագրել
- 1984-2002, աշխատել է Երևանի պետական բժշկական համալսարանում։
- 1992-2003, աշխատել է ՀՀ Զինված ուժերում որպես ռազմական բժիշկ։
- 2004 թվականից աշխատում է Քաղաքական և միջազգային հետազոտությունների հայկական կենտրոնում։
- 2010-2015 թվականներին աշխատել է 1in.am լրատվական գործակալությունում։
- 2015 թվականից աշխատում է Միջազգային և անվտանգության հարցերի հայկական ինստիտուտում որպես փորձագետ[1]։
Հեղինակ է քաղաքագիտական թեմաներով ավելի քան հարյուր վերլուծական հոդվածների։ Հիմնականում զբաղվում է Հայաստանի ներքին և արտաքին քաղաքականության, տարածքային անվտանգության և զարգացման, Արցախյան հակամարտության, հարցերով, ինչպես նաև հայ-թուրքական, հայ-ռուսական, հայ-ուկրաինական, հայ-ամերիկյան, Հայաստան-ՆԱՏՕ և Հայաստան-Եվրամիություն հարաբերություններով[1]։
Ծանոթագրություններ խմբագրել
- ↑ 1,0 1,1 1,2 1,3 1,4 1,5 1,6 «Ռուբեն Մեհրաբյանի էջը Միջազգային և անվտանգության հարցերի հայկական ինստիտուտի կայքում». Արխիվացված է օրիգինալից 2017 թ․ հունիսի 9-ին. Վերցված է 2017 թ․ հունիսի 7-ին.