Ռոբերտ Ավագյան

Անվան այլ կիրառումների համար տե՛ս՝ Ռոբերտ Ավագյան (այլ կիրառումներ)

Վիքիպեդիայում կան հոդվածներ Ավագյան ազգանունով այլ մարդկանց մասին։

Ռոբերտ Զավենի Ավագյան (հունիսի 12, 1939(1939-06-12), Երևան, Հայկական ԽՍՀ, ԽՍՀՄ - հուլիսի 8, 2011(2011-07-08), Երևան, Հայաստան), հայ իրավաբան։ Իրավաբանական գիտությունների թեկնածու (1972), պրոֆեսոր (1995)։

Ռոբերտ Ավագյան
Ծնվել է	հունիսի 12, 1939(1939-06-12)
Ծննդավայր	Երևան, Հայկական ԽՍՀ, ԽՍՀՄ
Մահացել է	հուլիսի 8, 2011(2011-07-08) (72 տարեկան)
Մահվան վայր	Երևան, Հայաստան
Կրթություն	Երևանի պետական համալսարան
Գիտական աստիճան	իրավաբանական գիտությունների թեկնածու
Աշխատավայր	Երևանի պետական համալսարան

Վերժինե Սվազլյանի ամուսինը։

Կենսագրություն

1962 թվականին ավարտել է Երևանի պետական համալսարանը։ 1972 թվականին պաշտպանել է թեկնածուական թեզը Մոսկվայում։ 1962-1965 թվականներին աշխատել է ՀԽՍՀ Գերագույն Դատարանում որպես օրենսդրությունը համակարգող ավագ խորհրդատու։ 1965 թվականից եղել է ՀՀ ԳԱԱ Փիլիսոփայության և իրավունքի ինստիտուտի գիտաշխատող, 1981-1991 թվականներին՝ պետության և իրավունքի բաժնի վարիչ, 1992 թվականից՝ պետաիրավական հետազոտությունների բաժնի վարիչի տեղակալ, 2004-2005 թվականներին՝ փոխտնօրեն, միաժամանակ՝ ԵՊՀ դասախոս։ 1983-1991 թվականներին եղել է ԵՊՀ Իրավաբանական ֆակուլտետի «Դատա-դատախազա-քննչական» մասնագիտության գծով ավարտական Պետական քննական հանձնաժողովի նախագահ։ 1999 թվականին ընտրվել է Ռուսաստանի Դաշնության Հումանիտար գիտությունների ակադեմիայի (Մոսկվա) թղթակից անդամ, Էկոլոգիայի ու կենսագործունեության անվտանգության միջազգային գիտությունների ակադեմիայի (Սանկտ Պետերբուրգ) ակադեմիկոս։

Հեղինակ է քրեական իրավունքի և քրեաբանության արդիական խնդիրներին նվիրված հարյուրավոր հրապարակումների, այդ թվում՝ 16 գրքերի։ Խմբագրել և գրախոսել է ավելի քան 50 աշխատություն։

Գործունեություն

Աշխատությունները վերաբերում են քրեական իրավունքի և քրեաբանության արդի խնդիրներին։ Եղել է ՌԴ հումանիտար ԳԱ թղթակից անդամ (1999), էկոլոգիայի և կենսագործունեության անվտանգության միջազգային ԳԱ (1999) անդամ, 1995 թվականից՝ ՀՀ արդարադատության խորհրդի անդամ։

Պարգևներ

• Հայկական ԽՍՀ Գիտությունների Ակադեմիայի Նախագահության «Սոցիալիստական աշխատանքի հաղթող» շքանշան, 1976 թ.
• Հայկական ԽՍՀ Գիտությունների Ակադեմիայի Նախագահության «Գովեստագիր», 1983 թ.
• Մոսկվայի Նոր Իրավաբանական Ինստիտուտի «Օրենքի թագավորություն» շքանշան, 2003 թ.
• Մոսկվայի Նոր Իրավաբանական Ինստիտուտի «Ոսկե մեդալ», 2007 թ.
• ՀՀ Գլխավոր դատախազության «Շնորհակալագիր» և «Ոսկե գրիչ», 2009 թ.

Երկեր

• Доведение до самоубийства как уголовно наказуемое деяние. Ереван, Изд-во АН Армянской ССР, 1971.
• История государства и права Советской Армении. Книга I и II, Ереван, Изд-во АН АрмССР, 1974 и 1978 (В соавторстве).
• Загрязнение природной среды как уголовно наказуемое деяние. Ереван, Изд-во АН Армянской ССР, 1975.
• Բնության իրավական պահպանությունը Հայկական ՍՍՀ-ում, Երևան, «Հայաստան» հրատ., 1979։
• Սոցիալիզմը և մարդու իրավունքները, Երևան, ՀՍՍՀ ԳԱ հրատ., 1980 (համահեղինակությամբ)։
• Местные Советы и предотвращение загрязнения природной среды. Ереван, Изд-во АН Армянской ССР, 1982.
• Հայաստանի Հանրապետության քրեական օրենսդրությունը, Երևան, «Արեգ» հրատ., 1994։
• Հայաստանի Հանրապետության արդի քրեական իրավունքը, Երևան, 1995։
• Հանցավորությունը Հայաստանի Առաջին Հանրապետությունում (1918-1920 թթ.), Երևան, 1995։
• Հանցավորությունը Հայաստանում, Երևան, «Նոյյան Տապան» հրատ., 1997։
• Հանուն օրինականության, Երևան, ՀՀ ԳԱԱ «Գիտություն« հրատ., 2002։
• Սևանա լճի իրավական պաշտպանությունը, Երևան, ՀՀ ԳԱԱ «Գիտություն» հրատ., 2003։
• Уголовный Кодекс Республики Армения. Перевод с армянского, Санкт-Петербург, Изд-во «Юридический центр Пресс», 2004.
• Մարդու իրավունքներ. քրեաիրավական երաշխիքներ, Երևան, ՀՀ ԳԱԱ «Գիտություն» հրատ., 2007։
• Доведение до самоубийства как состав деяния. Ереван, Изд-во «Гитутюн» НАН РА, 2010 (В соавторстве).
• Արդարադատության հարցեր, Երևան, ՀՀ ԳԱԱ «Գիտություն» հրատ., 2010։

Ծանոթագրություններ

Վիքիդարանն ունի նյութեր, որոնք վերաբերում են «Ռոբերտ Ավագյան» հոդվածին։