Ջրհորի մոտ, շոգ օր

Մարտիրոս Սարյանի նկար

Ջրհորի մոտ: Շոգ օր, հայ մեծ նկարիչ Մարտիրոս Սարյանի 1908 թվականին ստեղծված աշխատանքը, որը գտնվում է Սարյանի տուն-թանգարանում[1]:

Picto infobox artiste.png
Ջրհորի մոտ, շոգ օր
By the Well. Hot Day, 1908.jpg
տեսակգեղանկար
նկարիչՄարտիրոս Սարյան
տարի1908
բարձրություն51,7 սանտիմետր
լայնություն63 սանտիմետր
ժանրբնանկար
նյութկտավ և տեմպերա
գտնվում էՄարտիրոս Սարյանի տուն-թանգարան
հավաքածուՄարտիրոս Սարյանի տուն-թանգարան
սեփականատերՄարտիրոս Սարյանի տուն-թանգարան
կայք

ՆկարագրությունԽմբագրել

«Ջրհորի մոտ: Շոգ օր» աշխատանքը թանգարանի ֆոնդ է մուտքագրվել 1974 թվականին: Ձեռք է բերվել Սարյանի մինչհեղափոխական շրջանի հարուստ հավաքածու ունեցող Հ. Հարությունյանի ընտանիքից:

Սարյանը նկարել է ծառեր իր ողջ կյանքի ընթացքում: Դրանք, կարծես, դարերի միջով մեզ են հասցնում դրախտի կենտրոնում Մեծ Արարչի ձեռքով տնկած Կենաց ծառի հզոր սոսափյունը: «Ջրհորի մոտ: Շոգ օր» նկարում կոմպոզիցիայի կենտրոնում տեղադրված ծառը մարմնավորում է աշխարհի առանցքի գաղափարը, և բոլոր կենդանի էակները, նրանց թվում նաև մարդը գտնվում են նրա շուրջը: Զգացվում է ծառի բնի ուժն ու հզորությունը: Այն դեպի վեր է տանում սաղարթը սնող երկրի ուժերը: Կիզիչ կեսօրին ծառի տակ տարածվում է կապույտ ստվերը, ստեղծելով հանգստության և թարմության օազիս: Արևի այրող ճառագայթներից ապաստան գտնելու համար այստեղ են շտապում մարդիկ ու կենդանիները: Ծառի տակ կա մի ջրհոր, որի մոտ նստել է կապտավուն ստվերին համարյա ձուլված փերին:

Նկարի ողջ ներկապնակը հագեցած է արևով, գունային լուծումները կառուցված են դեղինի և կապույտի հակադրումներով: Յուրաքանչյուր վրձնախաղը կատարված է եռանդուն, կտրուկ շարժումով, ինչը հաղորդում է աշխատանքին մեծ արտահայտչականություն[2]:

ԾանոթագրություններԽմբագրել