Բացել գլխավոր ցանկը

Պլուտոիդ (անգլ.՝ plutoid), երկնային մարմին, որը պտտվում է Արեգակի շուրջ ուղեծրով, որի շառավիղը մեծ է Նեպտունի շառավղից, զանգվածը բավարար է, որպեսզի սեփական ձգողականության ուժը տա նրան համարյա գնդաձև ձև, և որը չի մաքրում իր ուղեծրի շրջակա տարածությունը (այսինքն նրա մոտ գտնվում են բազմաթիվ մանր մարմիններ)։ Այս սահմանումը տրվել է Միջազգային աստղագիտական միության կողմից 2008 թվականի հունիսին Օսլոյում տեղի ունեցած համաժողովի ժամանակ։ Պլուտոիդներ են ճանաչվել գաճաճ մոլորակներ Պլուտոնը և Էրիսը։ Նույն թվականի հուլիսին այս տեսակին է դասվել Մակեմակեն, իսկ 2008 թվականի սեպտեմբերի 17-ին ավելացրին նաև Հոմեան։