Պետրոս Ատրունի (մանկավարժ)

Անվան այլ կիրառումների համար տե՛ս՝ Պետրոս Ատրունի (այլ կիրառումներ)

Պետրոս Ատրունի (1883, Ստամբուլ, Օսմանյան կայսրություն - 1944), հայ կրթական գործիչ։

Պետրոս Ատրունի
Ծնվել է	1883
Ծննդավայր	Ստամբուլ, Օսմանյան կայսրություն
Մահացել է	1944
Կրթություն	Ստամբուլի համալսարան
Մասնագիտություն	մանկավարժ

Ծնվել է Կ. Պոլսում։ Կրթությունն ստացել է Պերպերյան վարժարանում, ավարտել է 1900 թվ ականին, սովորել Պոլսի համալսարանի մաթեմատիկայի բաժնում։ Երկար տարիներ դասավանդել է հայ և օտար վարժարաններում, այդ թվում Կենտրոնական վարժարանում, որի տնօրենն է եղել 1928-1933 թվականներին։ Հեղինակ է թվաբանական մի շարք դասագրքերի, ինչպես «Ամբողջական դասընթացք թվաբանության», «Մանկական ընթացք» Ա և Բ տարի (1912), «Տարրական դասընթացք» Ա և Բ տարի (1912), «Թվաբանություն տարրական և միջին դասընթաց» (1921), նույնի «Բարձրագույն դասընթաց» (1921) գրքերի։