Պարող մարդը
Պարող մարդը (անգլ.՝ Dancing Man), Ավստրալիայի Սիդնեյ քաղաքում պարող մարդուն տված անվանումը, որը լուսանկարվել էր Երկրորդ համաշխարհային պատերազմից հետո պարելիս։ 1945 թվականի օգոստոսի 15-ին լուսանկարիչը նկատել էր մի մարդու` իր ուրախությունն արտահայտելիս ու պարելիս, և խնդրել էր նրան կրկնել դա։ Տղամարդը համաձայնել է և նկարահանվել է Movietone News-ի կինոքրոնիկայում։ Ֆիլմը և լուսանկարները խորհրդանշական կարգավիճակ են ձեռք բերել Ավստրալիայի պատմության ու մշակույթի մեջ և խորհրդանշում են ուրախ հպարտություն` պատերազմի ավարտի համար։
Ինքնություն խմբագրել
Լուսանկարի հերոսի ինքնությունը պարզելու վերաբերյալ շատ վեճեր են եղել։ Թոշակառու փաստաբան Ֆրենկ ՄքԱլարին պնդում է, որ լուսանկարի մարդն ինքն է։ Թագուհու հյուպատոս Չեսթեր Փորթերը և Փոխհատուցման դատարանի դատավոր Բարրի Էգանը պնդել են, որ տեսել են ՄքԱլարիին նկարահանվելիս[1]։ Ավստրալիական «Որտե՞ղ են նրանք հիմա» հեռուստանախագիծը փորձել է լուծել պարող մարդու ինքնության առեղծվածը։ Ցանցը վարձել է դատական գիտնականների, որոնք ուսումնասիրել են ֆիլմի քրոնիկան ու լուսանկարը և եզրակացրել են, որ մարդն իսկապես ՄքԱլարին է։
Ավստրալիայի Թագավորական դրամահատարանը, այնունամենայնիվ, նկարել է Էռն Հիլլին որպես պարող մարդու 2005 թվականի 1 ավստրալիական դոլարանոցի վրա, որը թողարկվել է Երկրորդ համաշխարհային պատերազմի ավարտի 60-ամյակի առթիվ։ Հիլլը պնդել է, որ «տեսախցիկը շարժվում էր, և ես մի փոքր ցատկեցի»[1]։
Ռեբեկա Քինանը Film World Pty. Ltd.-ից ասում է, որ պարողը կարող էր լինել Պատրիկ Բլեքոլը[2]։ Բլեքոլը պնդում է. «Ես տաղանդավոր պարող մարդն եմ» և հայտարարագիր է ստորագրել այդ մասին[2]։
Ֆրանկ Ա. Էփթոնը պնդել է, թե ինքն է եղել պարող մարդու հետևում կանգնած զինվորականներից մեկը։ Նրա մոտ հայտնաբերված փաստաթղթերը ապացուցել են նրա պնդումը[3]։
Տես նաև խմբագրել
- Ճապոնիայի դեմ տարած հաղթանակի օրը Թայմս-սքվերում, Ճապոնիայի դեմ տարած հաղթանակի օրվա լուսանկար Մանհեթենում
Ծանոթագրություններ խմբագրել
- ↑ 1,0 1,1 "Who is the dancing man?." Macy, Richard. Sydney Morning Herald 8 December 2004
- ↑ 2,0 2,1 Stephens Tony (29 July 1995)։ «Is Ern Hill the mystery dancing man of 1945?»։ The Sydney Morning Herald։ Վերցված է 13 March 2018
- ↑ Swan Robert (13 April 2013)։ «Immortalised in a historical reel»։ The Northern Star։ Վերցված է 13 March 2018