Պարեր տանիքին
«Պարեր տանիքին» (ռուս.՝ «Танцы на крыше»), 1985 թվականի խորհրդային երիտասարդական դրամա, որը նկարահանել է ռեժիսոր Վիկտոր Վոլկովը Արկադի Կրասիլշչիկովի սցենարով[2]։ Ֆիլմը նկարահանվել է Մ. Գորկու անվան մանկապատանեկան ֆիլմերի կենտրոնական կինոստուդիայի առաջին ստեղծագործական միավորման կողմից 1985 թվականի մայիսից օգոստոս[3][4]։ Ֆիլմը լայն վարձույթ է հանվել 1986 թվականի հոկտեմբերի 27-ին[5][6][7] և կինոթատրոններում ցուցադրվել է խիստ կրճատված տեսքով[8]։
Երկիր | ԽՍՀՄ |
---|---|
Ժանր | դեռահասական դրամա[1] |
Ռեժիսոր | Վիկտոր Վոլկով |
Սցենարի հեղինակ | Արկադի Կրասիլշչիկով |
Դերակատարներ | Ալեքսանդր Ֆատյուշին |
Օպերատոր | Ալեքսանդր Մաչիլսկի |
Երաժշտություն | Վլադիմիր Դավիդենկո |
Կինոընկերություն | Մաքսիմ Գորկու անվան կինոստուդիա |
Տևողություն | 67 րոպե |
IMDb | ID 0090127 |
2007 թվականին Մ. Գորկու անվան կինոստուդիան «Վիդեոսինթեզ» ընկերության հետ համատեղ թողարկել է ֆիլմը DVD ֆորմատով՝ հավելելով «Ամեն ինչ ձեզ համար է» (ռուս.՝ «Всё для вас», 1964) ֆիլմը։ Առաջին նկարահանված խորհրդային ֆիլմն է, որում ցուցադրվել է բրեյք դանսը[8][9][10][11][12]։
Սյուժե
խմբագրելՈւթսունականների կեսերի դեռահասները, որոնք մեծանում են լիարժեք նյութական բարեկեցության պայմաններում և ապրում են իրենց ծնողների հաշվին։ Ֆիլմի հերոսը՝ ութերորդ դասարանի աշակերտ Վիկտորը բարեկեցիկ ընտանիքից է, ամառային արձակուրդներն անցկացնում է հասակակիցների հետ՝ թափառելով քաղաքի փողոցներում, հանգստանալով լճի ափին, հաճախելով համերգների։ Տղայի գումարը չի հերիքում նորաձև հագուստի և ռոք երաժշտության ձայնագրման համար, օգնության համար նա սկսում է դիմել իր ծանոթ սպեկուլյանտ բարմենին, որն օգնում էր գումար հայթայթել։ Մի անգամ Վիկտորը հանդիպում է հաստոցաշինական գործարանի բանվոր Բորիս Պլետնյովին, որը հեղինակություն է դառնում տղայի համար և կարողանում է դեռահասին ապացուցել, որ այլ կյանք կա։ Պլետնյովը նրան տանում է իր գործարան և ցույց է տալիս, թե ինչպես են մարդիկ ազնիվ աշխատանքով գումար վաստակում[6]։
Դերերում
խմբագրելԴերասան | Դեր |
---|---|
Գրիգորի Կատաև | Վիկտոր |
Ալեքսանդր Ֆատյուին | Բորիս Պլետնյով |
Վալենտինա Շենդրիկովա | Վիկտորի մայրը |
Իգոր Յասուլովիչ | Վիկտորի հայրը |
Իլյա Կլիմենկով | Գլեբ |
Ալեքսանդրա Կոլկունովա | Սվետա |
Ելենա Ռևզինա | Իրինա |
Յուրի Չեռնով | բարմեն |
Վիկտոր Իվանով | Գլեբի ընկերը |
Դմիտրի Կուզմին | Գլեբի ընկերը |
Իրինա Արտամոնովա | Սվետայի ընկերուհին |
Տատյանա Կուռնոսովա | Սվետայի ընկերուհին |
Օլեգ Մարտինով | երաժշտամոլ |
Սերգեյ Բորիսով | լուսանկարիչ |
- Ֆիլմի նկարահանումներին մասնակցել են.
- Ռիգայի էստրադային-համերգային միավորման պարային համույթ (մենակատար և բալետմայստեր՝ Լայմա Վայկուլե)
- «Ռեցիտալ» գործիքային համույթ (գեղարվեստական ղեկավար՝ Ռուսլան Գորոբեց)
- «Պրավդա» հրատարակչության մշակույթի տան ստուդիայի (պարերի բեմադրիչ՝ Վալենտին Գնեուշև) բրեյք դանս պարողներ՝ Ֆեոդոր Դյատլով «Վեկտոր» խմբից[13], Դ. Գումբուրգ, Վիկտորյա Մեդվեդևա, Պավել Պիվովարով, Ա. Պոսվյանսկի, Պ. Օզերնիխ, Ա. Զուբով, Կ. Խոլֆա, Անդրեյ Ժուչկով։ Գնեուշևի խոսքով՝ ֆիլմի նկարահանումներին մասնակցել է «Պրավդա» մակույթի տանն առընթեր իր էստրադային-պարային կոլեկտիվից 30 մարդ[14]։
Նկարահանող խումբ
խմբագրել- Սցենարի հեղինակ՝ Արկադի Կրասիլշչիկով[5]
- Բեմադրող ռեժիսոր՝ Վիկտոր Վոլկով
- Բեմադրող օպերատոր՝ Ալեքսանդր Մաչիլսկի
- Բեմադրող նկարիչ՝ Օլեգ Կրամարենկո
- Կոմպոզիտոր՝ Վլադիմիր Դավիդենկո
- Երգերի տեքստի հեղինակ՝ Վիկտոր Վոլկով, Վլադիմիր Կուզմին
- Հնչյունային օպերատոր՝ Օլգա Վագինա
Երաժշտություն
խմբագրել- «В лабиринтах любви» – Վլադիմիր Կուզմին
- «Ты найди меня» – Լայմա Վայկուլե
Քննադատություն
խմբագրել1985 թվականին «Սովետսկի էկրան» հանդեսի հուլիսյան համարում ռեժիսոր Վոլկովը բացահայտել է ֆիլմի վերնագրի գաղտնիքը. Վիկտորը արձակուրդներն անցկացնում է ոչ խելամտորեն, և «ժամանակ սպանելու» համար Նա նույնիսկ պարեր է կազմակերպում տանիքում։ Գործարանային տեսարանի նկարահանումները տեղի են ունեցել Մոսկվայի «Ստանկոագրեգատ» գործարանի արտադրամասում 1985 թվականի մայիսին[3]։
1986 թվականին «Новые фильмы» ամսագրի նոյեմբերյան համարում նշել են, որ ռեժիսոր Վոլկովը կրկին անդրադարձել է է ժամանակակից երիտասարդության խնդիրներին, որոնք աճում են լիակատար նյութական բարեկեցության պայմաններում և պատրաստ չեն ինքնուրույն կյանքի[6]։
1986 թվականին «Спутник кинозрителя» ամսագրի նոյեմբերյան համարում «Афиша» խորագրի ներքո հայտարարվել է, որ ֆիլմը խորհուրդ է տրվում 15 տարեկան դեռահասներին, որոնք դեռ չեն գտել իրենց տեղը կյանքում և լուրջ զրույցի կարիք ունեն։ Նշվել է նաև, որ ֆիլմը դուր կգա նաև բրեյք-դանսի, էլեկտրոնային երաժշտության և «Ռեցիտալ» անսամբլի սիրահարներին[15]։
1987 թվականին «Մոլոդոյ բոլշևիկ» ամսագրում գրել են, որ ֆիլմը պատմում է բարձր դասարանցիների ընկերության մասին, որոնք ամառային արձակուրդների ժամանակ ժամանակակից տան տանիքին պարում են իրենց սիրելի բրեյքը, գնում պիկնիկների, միմյանցից ձայնագրում երգեր[16]։
1988 թվականին «Ժամանակի շրջադարձի վրա։ ԽՄԿԿ XXVII համագումարը և ժամանակակից կինոյի արդի խնդիրները» (ռուս.՝ «На повороте времени. XXVII съезд КПСС и актуальные проблемы современного кино») գրքում արվեստաբան Տատյանա Կուկարկինան կարծիք է հայտնել, որ ռեժիսոր Վոլկովին պարտադրվել է ֆիլմի սցենարը, որը «կոչված էր դեռահասներին խրախուսելու ընդունվել արհեստագործական ուսումնարան», որի արդյունքում առաջացել է «կեղծ ֆիլմ»[17]։
«Խոսք կինոյի մասին։ Հոդվածներ, ակնարկներ, տարբեր տարիների դիմանկարներ» (ռուս.՝ «Слово о кино: Статьи, рецензии, портреты разных лет») գրքում նշվել է, որ 1985 թվականին Գորկու անվան կինոստուդիայի կողմից նկարահանված բոլոր 18 ֆիլմերից ԽՍՀՄ կինեմատոգրաֆիայի պետական կոմիտեն միայն մեկ «Պարեր տանիքին» ֆիլմն է դասել վճարման համար երրորդ խմբին։ Դա նշանակում է, որ ֆիլմը ճանաչվել է ամենավատը, սակայն, ըստ գրքի հեղինակ Լյուդմիլա Դոնեցի, այն ստուդիայի լավագույն ֆիլմն է[18]։
2017 թվականին անգլիական «The Calvert Journal» ինտերնետ-պարբերականի խմբագիր Միխայիլ Ագաֆոնովը խորհրդային բի-մարտերի մասին հոդվածում հիշատակել է «Պարեր տանիքին» ֆիլմի մասին, որի բրեյք-դանսի տեսարանը խորհրդային հանդիսատեսի համար ծառայել է որպես ծանոթություն բոլորովին նոր պարային ժանրի հետ[12]։
Ծանոթագրություններ
խմբագրել- ↑ https://www.worldcat.org/search?fq=x0:jrnl&q=n2:0130-6405
- ↑ Мирослава Сегида Фильмы о Москве. 1985: «Танцы на крыше». Киностудия им. М. Горького. Молодёжная драма. Реж. В. Волков, опер. А. Мачильский // Искусство кино : журнал. — 1997. — № 8. — С. 154. — ISSN 0130-6405.
- ↑ 3,0 3,1 И. Лантинова Идут съёмки: «Танцы на крыше» // Советский экран : журнал. — 1985. — № 14. — С. 13. — ISSN 0132-0742.
- ↑ «Съёмки фильма "Танцы на крыше" (Дата события: 01.08.1985)». riamediabank.ru. Արխիվացված օրիգինալից 2023 թ․ փետրվարի 23-ին. Վերցված է 2023 թ․ փետրվարի 22-ին.
- ↑ 5,0 5,1 Антропов В. Н., Барыкин Е. М., Бочкова С. А., Леднева А. Н, Семерчук В. Ф., Сковородникова С. В., Чемоданова Н. М., при участии Масловой М. и Смеловой О. Советские художественные фильмы: аннотированный каталог (1984—1985). — Госфильмофонд России (2001), Современные тетради (2001), 2001. — С. 369-370. — 416 с. — ISBN 5-88289-150-7
- ↑ 6,0 6,1 6,2 Репертуар ноября 1986 года. Советские художественные фильмы. «Танцы на крыше», Киностудия имени М. Горького // Новые фильмы : журнал. — 1986. — № 11. — С. 11-12. — ISSN 0130-7738.
- ↑ И. Лантинова Конкурс: «СЭ»-86. Кинофильмы, вышедшие на экраны в 1986 году: 130. «Танцы на крыше» // Советский экран : журнал. — 1986. — № 24. — С. 19. — ISSN 0132-0742.
- ↑ 8,0 8,1 В. Юмашев Зарисовки в стиле брейк // «Юность» : журнал. — 1986. — № 12. — С. 103. — ISSN 0132-2036.
- ↑ В. Юмашев Брейк: За? Против? // «Комсомолец» (Ростов-на-Дону) : газета. — 1986. — С. 12.
- ↑ Владимир Лишбергов Наша консультация. Почта «М. Э.». О новом танцевальном направлении «брейк-дэнс» // «Молодёжная эстрада» : журнал. — 1987. — № 2 (260). — С. 126, 127. — ISSN 0132-8816.
- ↑ Владимир Лишбергов Знакомимся с современной музыкой // «Семья и школа» : журнал. — 1987. — № 9. — С. 54. — ISSN 0131-7377.
- ↑ 12,0 12,1 Mikhael Agafonov (2017 թ․ հուլիսի 24). «Breakdancing in the USSR: get down with the Soviet b-boys». calvertjournal.com. Արխիվացված օրիգինալից 2017 թ․ հուլիսի 24-ին. Վերցված է 2023 թ․ հունիսի 11-ին.
- ↑ Бастер М. Ньювейв (Хулиганы-80. Часть первая). — АНОК "T.C.I." (2009), T/O "Neformat", Accent Graphics Communications (2015), 2015. — С. 81-89. — 256 с. — ISBN 978-5-904377-01-4
- ↑ Куприянов А., Лашкевич Н. Новый танец: в подворотне или в клубе // «Собеседник» : газета. — 1986. — № 37 (134). — С. 8-9.
- ↑ Григорий Симанович Афиша «СК». «Танцы на крыше» // Спутник кинозрителя : журнал. — 1986. — № 11. — С. 20. — ISSN 0208-3140.
- ↑ Литература и искусство: «Танцы на крыше» // Молодой большевик : журнал. — 1987. — № 1-6. — С. 79. Архивировано из первоисточника 23 փետրվարի 2023.
- ↑ Кукаркина Т. Экран и воспитание личности (фильмы для подростков и юношества в кинопроцессе 80-х годов) // На повороте времени. XXVII съезд КПСС и актуальные проблемы современного кино. — Искусство (1988), 1988. — С. 197. — 246 с.
- ↑ Донец Л.С. Слово о кино : Статьи, рецензии, портреты разных лет. — Вагриус (2000), 2000. — С. 69-70. — 397 с. — ISBN 5-264-00439-0