Չեռնոբիլցիների հուշարձան (Արմավիր, Ռուսաստան)
Չեռնոբիլցիների հուշարձան (ռուս.՝ Памятник чернобыльцам), հուշարձան, Ռուսաստանի Դաշնության Կրասնոդարի երկրամասի Արմավիր քաղաքի ճարտարապետական տեսարժան վայրերից մեկը։ Գտնվում է հիշատակի թեմատիկ Չեռնոբիլցիների պուրակում։ Չեռնոբիլցիների առաջին հուշարձանը կանգնեցվել էր 1996 թվականին։ 2013 թվականին այն ապամոնտաժվել է, իսկ նրա փոխարեն 2014 թվականին կանգնեցվել է չեռնոբիլցիների մեկ այլ հուշարձան։
 | |
|---|---|
 | |
 | |
| Տեսակ | հուշարձան |
| Ստեղծում | սեպտեմբերի 20, 2014 |
| Երկիր |  Ռուսաստան |
| Բնակավայր | Արմավիր |
| Շինության ձև | Արձան |
| Ներկա վիճակ | Կանգուն |
Առաջին հուշարձան
խմբագրելՀուշարձանի տեղադրման հիմնական նախաձեռնողներից մեկը եղել է Արմավիրի կազակական շրջանի եսաուլ Ալեքսանդր Պետրովիչ Իվանովը, իսկ նախագիծն իրականացրել են ճարտարապետ Ն. Գ. Սամբուրովան, քանդակագործ Վ. Գ. Բատրակովը և նկարիչ Ն. Ա. Բերեզովսկայան[1][2]։ Հուշարձանի վեցտոննանոց հիմքը դրվել է 1996 թվականի հունիսի 26-ին, իսկ արդեն հուլիսի 12-ին հուշահամալիրը բացվել է[1][2]։ Իր տեսքի համար հուշարձանը ստացել է «ծառի հուշարձան» ոչ պաշտոնական անվանումը։
Հուշարձանը մոտ 9 տոննա ընդհանուր քաշով երկու մարմարե սալ էր։ Ուղղահայաց և վերևում փոքր-ինչ թեքված, 3,5 մետր բարձրությամբ սալին փորագրված էին ծառ, որից արյուն էր կաթում, և «Չեռնոբիլ» միության խորհրդանշանը։ Արյան կաթիլներից «ընկնում էին» ռադիոակտիվ ճառագայթման նշանները` ալֆա, բետա և գամմա։ Այն խորհրդանշում էր աշխարհի վիշտը և ճառագայթումից «օտարման գոտում» կենդանի ամենի մուտացիան[2]։ Ծառից քիչ վերև փորագրված էր ուղղափառ խաչ։
2010-ական թվականների սկզբին որոշում է կայացվել, որ «Ծառի հուշարձանը» իր գաղափարական բովանդակությամբ այնքան էլ չի համապատասխանում իր նպատակին որպես չեռնոբիլցիների հուշարձան[3]։ Այդ պատճառով 2013 թվականին արձանն ապամոնտաժվել է և նրա տեղում սկսել է կառուցվել մեկ այլ հուշարձան։
Երկրորդ հուշարձան
խմբագրելՆոր հուշարձանի շինարարությունն իրականացվել է 2013-2014 թվականներին։ Այն բացվել է 2014 թվականի սեպտեմբերի 20-ին[3]։ Դա ցանցաձև գլոբուս է, որի ներսում պարփակված է ատոմ (խորհրդանշում է Չեռնոբիլի ԱԷԿ-ի վթարի սպառնալիքն ամբողջ աշխարհի համար)։ Հինգ տղամարդիկ կանգնած են` իրենցով ծածկելով գլոբուսը (տղամարդկանց թիվը խորհրդանշում է հինգ մայր ցամաքները, որոնցից ժամանած կամավորները, համախմբվելով, «փակում էին ճառագայթման ճանապարհը»)։ Հուշասալիկի վրա փորագրված են այն 158 արմավիրցիների ազգանունները, որոնք մահացել են չեռնոբիլյան աղետի հետևանքները վերացնելիս[4]։ Այդ հուշարձանի հեղինակը արմավիրցի քանդակագործ Սերգեյ Կամիշինն է[3]։
Ծանոթագրություններ
խմբագրել- ↑ 1,0 1,1 Газетные публикации «Армавирский собеседник», июнь – июль 1996 года.
- ↑ 2,0 2,1 2,2 На основании краеведческой исследовательской работы представленной на фестивале «Портфолио ученика»
- ↑ 3,0 3,1 3,2 В Армавире открыли новый памятник ликвидаторам и жертвам катастрофы Արխիվացված 2015-04-02 Wayback Machine. Журнал «Краснодарский край». 25.09.2013.
- ↑ «Тем, кто землю спасал в том апреле». Վերցված է 2018 Մարտ 15-ին.(չաշխատող հղում)
Արտաքին հղումներ
խմբագրել- В Армавире появился памятник героям-чернобыльцам(չաշխատող հղում). А-медиа группа. 20 сентября 2013.
- Тем, кто землю спасал в том апреле Արխիվացված 2015-04-02 Wayback Machine. «Армавирский собеседник». 25 сентября 2013.