Նվեր Ան. Աբ.-ին
«Նվեր Ան. Աբ.-ին», Հովհաննես Թումանյանի բանաստեղծություններից՝ գրված 1891 թվականին[1]։
Նվեր Ան. Աբ.-ին | |
---|---|
Տեսակ | բանաստեղծություն |
Ժանր | բանաստեղծություն |
Ձև | բանաստեղծություն |
Հեղինակ | Հովհաննես Թումանյան |
Բնագիր լեզու | հայերեն |
Գրվել է | 1891 |
Հրատարակվել է | 1892 |
Վիքիդարան | Նվեր Ան. Աբ.-ին |
Պատմություն խմբագրել
Հովհաննես Թումանյանն այս բանաստեղծությունը գրել է 1891 թվականին մարտի 24-ին։
Ինքնագիրը, առանց 1-4 տողերի, պահվում է 1891 թվականին ապրիլի 16-ին Թումանյանի՝ Անուշավան Աբովյանին գրված նամակում։ Նամակում կարդում ենք․ «Խ|Տարազին» տվել էի մի ոտանավոր-պանդխտության աշխարհից էր․ այդ ոտանավորի մեջ թուփը խոսում էր պանդուխտի հետ․․․ Թուփն ինչպե՞ս կխոսա, հայտնեց և վերադարձրեց Տարազը, սրա տեղը դնելով Սրնգի «Վիշտը»․ երանի կարդաս»։
Տեսնելով այս տողերը՝ «Տարազին» ուղարկված բնագրում առաջին 4 տողերն այլ են եղել․ Պանդուխտի հետ խոսել է ոչ թե «Նորեկ գարունը», այլ «թուփը»։
Առաջին անգամ տպագրվել է 1892 թվականին՝ Մոսկվայում լույս տեսած Հովհաննես Թումանյանի բանաստեղծությունների երկրորդ հատորում (էջ 74-75), թվագրված՝ «1891 թվականին մարտի 24»։ Այնուհետև՝ Երևանում՝ 1940-1959 թվականներին լույս տեսած Հովհաննես Թումանյանի երկերի ժողովածուի գիտական հրատարակության առաջին հատորում (էջ 65)։
Արտատպվում է 1892 թվականին՝ Մոսկվայում լույս տեսած Հովհաննես Թումանյանի բանաստեղծությունների երկրորդ հատորից[1]։