Նուկոս՝ Կարակալպակյան ԻՀ մայրաքաղաքը (1939 թվականից)։ Գտնվում է Ամուդարյայի ափին։ Ավտոխճուղիների հանգույց է, ունի երկաթուղային կայարան։ 312 հազար բնակիչ (2018 թվական)[1]։ Կա մետաղամշակություն, շինանյութերի արտադրություն, սննդի և թեթև արդյունաբերություն, կահույքի ֆաբրիկա։ Գործում են Ուզբեկական ՀՍՀ ԳԱ Կարակալպակյան մասնաճյուղը, մանկավարժական ինստիտուտ, 11 միջնակարգ մասնագիտական ուսումնական հաստատություն, պատմահայրենագիտական և Կարակալպակյան ՀՍՀ-ի արվեստի թանգարանները, երաժշտադրամատիկական թատրոն, ֆիլհարմոնիա։ Հիմնադրվել է 1932 թվականին, Նուկոս աուլի տեղում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 403)։
