Նորայր Էլսայան
Նորայր Հարությունի Էլսայան (օգոստոսի 23, 1934, Արաք, Իրան - մարտի 30, 2021), հայ մանկավարժ, խմբագիր։ ՀՅԴ կուսակցության անդամ։
| Նորայր Էլսայան | |
|---|---|
 | |
| Ծնվել է | օգոստոսի 23, 1934 |
| Ծննդավայր | Արաք, Իրան |
| Մահացել է | մարտի 30, 2021 (86 տարեկան) |
| Մասնագիտություն | մանկավարժ և խմբագիր |
Կենսագրություն խմբագրել
Նորայր Էլսայանը ծնվել է 1934 թվականին Իրանի Արաք քաղաքում։ 1966 թվականին ավարտել է Թեհրանի հայոց թեմի հայերենագիտական դասընթացները, 1976 թվականին՝ Թեհրանի համալսարանը։ Թեհրանի «Ռոստոմ», «Սիփան», Հայ ուսուցիչների միությունների հիմնադիր-անդամ[1]։ Իրանահայ դպրոցների համար կազմել և հրատարակել է հայոց լեզվի, գրականության, պատմության դասագրքեր։ 1984-1993 թվականներին եղել է «Ալիք» օրաթերթի գլխավոր խմբագիր։
Եղել է Թեհրանի հայաշատ Նարմաք թաղամասում հիմնադրված հայոց «Թունյան» դպրոցի տնօրեն։ Իրանի իսլամական հեղափոխության հաղթանակից հետո (1979 թվականին) նշանակվել է «Ա․ Սողոմոնյան» տղաների միջնակարգ դպրոցի տնօրեն։ Հետագայում Իրանի կրթական համակարգում տեղի ունեցած փոփոխությունների պատճառով կրճատվել են հայկական դպրոցների հայերեն և կրոն առարկաների դասաժամերի քանակը, կազմակերպվել են դասադուլներ և ցույցեր․ այդ ժամանակ մի քանի օրով ձերբակալվել է նաև Նորայր Էլսայանը (ցույցերի կազմակերպման համար)։ Հետագայում նա զրկվել է պաշտոնից[1]։
1993 թվականից ապրել է Հայաստանում։
2013 թվականին արժանացել է Հայաստանի սփյուռքի նախարարության «Մայրենիի դեսպան» մեդալի։
Մահացել է 2021 թվականի մարտի 30-ին։
Ծանոթագրություններ խմբագրել
Այս հոդվածի կամ նրա բաժնի որոշակի հատված վերցված է «Հայ գրատպություն և գրքարվեստ» հանրագիտարանից, որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։ 
|