Ալիք (թերթ)
Անվան այլ կիրառումների համար տե՛ս՝ Ալիք (այլ կիրառումներ)
| Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
| Այս հոդվածը կամ բաժինը կարող է չհամապատասխանել հանրագիտական ոճի վերաբերյալ Վիքիպեդիայի չափանիշներին: Ներկայացված մտահոգությունների համար այցելեք քննարկման էջը: Տե՛ս Վիքիպեդիայի ոճական ուղեցույցը հոդվածը բարելավելու ցուցումների համար: |
Ալիք, օրաթերթ, սկզբում՝ շաբաթաթերթ, դաշնակցական կուսակցության օրգան
| Ալիք | |
|---|---|
| Տեսակ | թերթ |
| Լեզու | հայերեն |
| Հիմնադրվել է | մարտ 1931 |
| Երկիր |  Իրան |
| Կայք | alikonline.ir |
| Էլփոստ | info@alikonline.ir |
Լույս է տեսնում 1931-ի մարտի 22-ից, Թեհրանում։ Խբագրել են Հ. Թադևոսյանը, Տ. Պողոսյանը և ուրիշներ։ Ներկայիս խմբագիրն է Պ. Մինասյանը։ Տպագրում է հասարակական–քաղաքական, գրական–գեղարվեստական նյութեր։ Ունի հակասովետական և հակակոմունիստական շեշտված բնույթ։ Թերթը խեղաթյուրում է հայ ժողովրդի վերջին հարյուրամյակի պատմությունը, պատմական փաստերը հարմարեցնում իր կուսակցության շահերին։ Միջազգային քաղաքականության հարցերում պաշտպանում է ռեակցիոն իմպերիալիստական շրջանների դիրքորոշումը։
ՊատմությունԽմբագրել
Ալիք-ը հրատարակվում է 1931 թ. մարտի 22-ից Թեհրանում, սկզբում որպես շաբաթաթերթ, 1935 թ.-ից երկօրյա, իսկ 1941 թ.-ից օրաթերթ, 1965 թ.-ից էլ լույս է տեսնում 8 էջով։ Հրատարակվել է առանց դադարի, միայն 1979 թ. հունվարին Իրանի հեղափոխութեան հաղթանակի նախօրյակին մասնակցելով համաիրանական մամուլի գործադուլին՝ շուրջ 40 օր դադարել է հրատարակվելուց։ Ունի Հ.Յ.Դ.-ի գաղափարա-քաղաքական ուղղվածություն և իր բովանդակության առանցքն է կազմում Հայ Դատի հետապնդումը։ Հայ ժողովրդի բովանդակ շահերի պաշտպանությունը, իրանահայ համայնքի հայեցի դիմագծի պահպանումը, զանգվածների քաղաքականացումը և Իրանի բարգավաճմանն ու վերելքին նպաստելը իր հնարաւորությունների սահմաններում են։
Նախապես ունեցել է շեշտված հակախորհրդային դիրքորոշում՝ ի նպաստ հայ ժողովրդի անկախության վերականգնման։
Հայաստանի անկախացումից հետո պաշտպանել է օրավոր զարգացող Իրան-Հայաստան կապերի ամրապնդումը՝ ամրագրված փոխադարձ շահերի հիման վրա։
Ալիք-ի արտոնատերերն են եղել՝ դոկտ. Վարդան Հովհաննիսյանը, դոկտ. Արտաշես Բաբալյանը, դոկտ. Ռոստոմ Ստեփանյանը և ճարտ. Ալբերտ Աճեմյանը։ Իսկ տարբեր տարիների խմբագիրներից պիտի նշել՝ Հովսեփ Թադեոսյանին, Երվանդ Հայրապետյանին, Անդրե Տեր-Օհանյանին, Հովսեփ Հովհաննիսյանին, Տաճատ Պողոսյանին, դոկտ. Բաղդիկ Մինասյանին, Արսեն Մամյանին (խմբ. պատասխանատու), Հրայր Խալաթյանին, Էդվարդ Երիցյանին, Էդվարդ Ղահրամանյանին, Նորայր Էլսայյանին և Սեդա Դավթյանին։ Ներկայիս, 2004 թ. մարտից, օրաթերթը խմբագրում է Դերենիկ Մելիքյանը։
1961-63 թթ. հրատարակվել է «Ալիք» ամսագիրը, իսկ 1969-78 թթ.՝ «Ալիք պատանեկան» երկշաբաթաթերթը։
Ունեցել է «Շարժում», «Հայ երիտասարդ», «Ուսանողական էջ», «Գրական», «Էջ 404» հավելվածները։ Ներկայիս ունի երիտասարդական «Խաչմերուկ» և «Մանկական էջ» հավելվածները։
Հրատարակել է իրանահայ դպրոցների դասագրքեր, հայերեն ու պարսկերեն գրքեր և տպագրական այլազան պատվերներ։ Բազմիցս մասնակցել է Իրանի մամուլի ցուցահանդեսներին։
Ալիք-ի խմբագրատունը 1998 թվականին, փոխադրվեց իր նոր շենքը, իսկ տպարանը 2006 թվականին փոխադրվեց այդ նույն շենքը։
Ներկայիս տպագրվում է 4350 տպաքանակով, ունի բաժանորդներ՝ Իրանի հայահոծ քաղաքներում և սփյուռքի զանազան գաղթօջախներում։ 2001 թ. հունվարի 23-ից «Ալիք»-ը տեղադրվում է համացանցի վրա։
2007 թվականին լույս տեսավ «Ալիք»-ի հիմնադրման 75-ամեակի առթիվ պատրաստված գիրքը։
Արտաքին հղումներԽմբագրել
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 175)։ 
|