Նինա Թարվերդյան

Վիքիպեդիայում կան հոդվածներ Թարվերդյան ազգանունով այլ մարդկանց մասին։

Նինա Ալեքսեյի Թարվերդյան (հունվարի 1, 1956(1956-01-01), Երևան, Հայկական ԽՍՀ, ԽՍՀՄ), հայ մանրէաբան։ Բժշկական գիտությունների դոկտոր (1999):

Նինա Թարվերդյան
Ծնվել է	հունվարի 1, 1956(1956-01-01) (68 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան
Կրթություն	Երևանի Մխիթար Հերացու անվան Պետական Բժշկական Համալսարան
Մասնագիտություն	մանրէաբան
Գիտական աստիճան	բժշկական գիտությունների դոկտոր (1999)
Աշխատավայր	Համաճարակաբանության, վիրուսաբանություն և բժշկական մակաբուծաբանության ինստիտուտ և Երևանի Մխիթար Հերացու անվան Պետական Բժշկական Համալսարան

Կենսագրություն

Նինա Թարվերդյանը ծնվել է 1956 թվականի հունվարի 1-ին, Երևան քաղաքում։ 1979 թվականին ավարտել է Երևանի բժշկական ինստիտուտը։ 1981-1986 թվականներին աշխատել է Համաճարակաբանության, վիրուսաբանություն և բժշկական մակաբուծաբանության ինստիտուտում։ 1987-1990 թվականներին եղել է Երևանի բժշկական ինստիտուտի Կենտրոնական գիտահետազոտական լաբորատորիայում անօդակյաց սպոր չառաջացնող բակտերիաների անջատման և նույնականացման բաժնի ղեկավար, 1990-1997 թվականներին՝ Երևանի պետական բժշկական համալսարանի մանրէաբանության, վիրուսաբանության և իմունաբանության ամբիոնում։ Առաջին անգամ Թարվերդյանը (Ա. Հովհաննիսյանի հետ) կլինիկական նյութից անջատել է պեպտոստրեպտոկոկի անօդակյաց շտամ։ Նրա մշակած մեթոդական ցուցումները կիրառվել են 1988 թվականի Սպիտակի երկրաշարժի բակտերիաբանական հետազոտությունների ժամանակ։ 1997 թվականից ապրում է Ռուսաստանի Դաշնությունում։ 1999 թվականից՝ բժշկական գիտությունների դոկտոր է։

Երկեր

• Диагностика и лечение неклостридиальной анаэробной инфекции, Е., 1990 (համահեղինակ).

Գիտական թեզ

• Тарвердян, Нина Алексеевна (1999) Ассоциативная роль микроорганизмов в патогенезе раневого инфекционного процесса. Doctor of Sciences thesis, Ереванский государственный медицинский университет имени Мхитара Гераци. Արխիվացված 2021-04-22 Wayback Machine

Ծանոթագրություններ

Վիքիդարանն ունի նյութեր, որոնք վերաբերում են «Նինա Թարվերդյան» հոդվածին։