Նավ թանգարան (հոլ.՝ Museum Het Schip), ամստերդամյան դպրոցի ճարտարապետական թանգարան, Նիդեռլանդների մայրաքաղաք Ամստերդամում, տեղակայված՝ Ամստերդամ-Արևմուտք շրջանում, Սպարնդամմերպլանտսուն 140 փողոցում։

Նավ
հոլ.՝ Museum Het Schip
Amsterdam Het Schip 006.JPG
Տեսակթանգարան և բնակելի տուն
ԵրկիրFlag of the Netherlands.svg Նիդերլանդներ[1][2]
ՏեղագրությունԱմստերդամ
ՎայրՆիդերլանդներ
ՀասցեOostzaanstraat 11013WG
Հիմնադրված է2001 և 1921[1]
Կայքhetschip.nl/en/

ՊատմությունԽմբագրել

Նավը հանդիսանում է Զանստրատ և Սպարնդմմերպլանտսուն փողոցների անկյունում գտնվող ժողովրդային տան երեք բաժանմունքներից մեկը, կառուցված գործարար Կլասա Հիլե պատվերով, ճարտարապետ Միշել դե Կլերկի կողմից, ամստերդամյան դպրոցի ոճով։ Առանձնաշենքերը կառուցել են 1914-1921-ական թվականներին։ Տները վարձակալվել էին Էյգեն Հարդի բնակարանային ընկերության կողմից։ Դրանք անվանեցին «պալատներ բանվորների համար»։

1999 թվականին շենքը փակվեց։ 2001 թվականին բաժանմունքի տարածքում տեղակայվել է Նավ թանգարանի հավաքածուն։ Թանգարանը կազմված է նախկին փոստային բաժանմունքից, տուն-թանգարանից, որը պատկերացում է տալիս տեղի բանվորների կյանքի մասին 1920-ական թվականներին, և թանգարան՝ շենքի պատմության և ճարտարապետության մեջ ամստերդամյան դպրոցի մասին։ 2005 թվականին նախկին խանութում բացվեց ճաշարան։ Հավաքածուի մեջ ընդգրկված է քաղաքի շենքերի լուսանկարների ցուցադրություն՝ ամստերդամյան դպրոցի ոճով։

Շենքի ճակատը զարդարված է քանդակագործ Հիլդո Կրոպայի (1884-1970) բազմաթիվ քանդակագործական ստեղծագործություններով։ Բնակելի տան ներքին բակը կազմված է փոքր այգիներից, որոնք միանում են արահետներով։ Թանգարանի դիմացի մանկապարտեզում գտնվում է բացօթյա կահույքի հավաքածու՝ նույն Էքսպրեսիոնիստական դպրոցի ոճով, Պիտեր Լուկաս Մարնետեի (1888-1948) և Անտոն Կուրվերսի (1889-1940) աշխատանքները։

2012 թվականի մայիսից թանգարանի մասնաճյուղը գործում է Ամստերդամ-հարավ շրջանում։ Կիրակի օրերին էքսկուրսիան ընդգրկում է նաև Նավագնածության տունը։

ԾանոթագրություններԽմբագրել

Արտաքին հղումներԽմբագրել