Նամակ խմբագրության (մարտ, 1897)
«Նամակ խմբագրության», Հովհաննես Թումանյանի հոդվածներից մեկը, որը տպագրվել է 1897 թվականի մարտի 25-ին[1]։
| Նամակ խմբագրության | |
|---|---|
| Ժանր | հոդված |
| Հեղինակ | Հովհաննես Թումանյան |
| Բնագիր լեզու | հայերեն |
| Հրատարակվել է | 1897 թվական |
| Վիքիդարան | Նամակ խմբագրության |
Պատմություն խմբագրել
«Նամակ խմբագրության» հոդվածը տպագրվել է 1897 թվականի մարտի 25-ին «Տարազ» շաբաթաթերթի № 12-ի 203-րդ էջում։ Այնուհետև տպագրվել է Հովհաննես Թումանյանի «Երկերի ժողովածու»-ի 4-րդ հատորի 50-51-րդ էջերում[1]։
Հոդվածում հիշատակվող Հրատարակչական ընկերությունը հիմնադրվել է 1880 թվականին։ Թումանյանը գրել է այն մասին, որ Շիրվանզադեն Հրատարակչական ընկերության պատվերով թարգմանել է երկու գրքույկ։ Սակայն դրանցից մեկը որոշ պատճառներով չի հրատարակվել։ Այդ հարցը քննարկվել է Հրատարակչական ընկերության 1897 թվականի մարտի 22-ի ժողովում։ Թումանյանն անձամբ ներկա է եղել այդ ժողովին։ Նա իր «զզվանքն է հայտնել» ժողովի արդյունքների վերաբերյալ։
Թումանյանի երկեր լիակատար ժողովածուի 6-րդ հատորում արտատպվել է «Տարազ» շաբաթաթերթից։
