Յարոսլավ Գրիսիո
Յարոսլավ Անտոնովիչ Գրիսիո (ուկրաիներեն՝ Яросла́в Анто́нович Грисьо́, նոյեմբերի 16, 1950, Վինիկի, Լվովի մարզ, Ուկրաինական ԽՍՀ, ԽՍՀՄ), ուկրաինացի ֆուտբոլային մրցավար և գործակալ։ Լվովի մարզի ֆուտբոլի ֆեդերացիայի ներկայացուցիչ։ ՈւՖՖ-ի կոմիտեի անդամ և գործադիր։ Ֆուտբոլային մրցավարներ Յուրի և Անդրեյ Գրիսյաների հայրը։ 2011-2012 թվականներին Լվով ֆուտբոլային ակումբի նախագահ։
| Յարոսլավ Գրիսիո | |
|---|---|
 | |
| Ծնվել է | նոյեմբերի 16, 1950 (73 տարեկան) |
| Ծննդավայր | Վինիկի, Լվովի մարզ, Ուկրաինական ԽՍՀ, ԽՍՀՄ |
| Քաղաքացիություն |  Ուկրաինա |
| Կրթություն | Լվովի ֆիզիկական կուլտուրային պետական ինստիտուտ |
| Մասնագիտություն | ֆուտբոլային մարզիչ |
| Պարգևներ և մրցանակներ |  |
Կենսագրություն խմբագրել
Ավարտել է Լվովի ֆիզկուլտուրայի ինստիտուտը (1971): 1973-1982 թվականների ընթացքում աշխատել է ֆիզկուլտուրայի ուսուցիչ Լվովի թիվ 29 դպրոցում, ինչպես նաև Պիշևիկ ֆուտբոլային թիմի մարզիչն էր։
1990-1997 թվականների ընթացքում մրցավարի կարգավիճակում անցկացրել է մոտ 80 խաղ ԽՍՀՄ-ի և Ուկրաինայի բարձրագույն լիգայում։
1983-1990 թվականներին եղել է ԲՄԱ դպրոցի ուսմասվար, հետագայում նաև տնօրեն։ 1991-1993 թվականներին Լվովի ֆուտբոլի ֆեդերացիայի նախագահի տեղակալ։ 1997 թվականին Լվովի ֆուտբոլի Ֆեդերացիայի նախագահ։ 2000 թվականին Ուկրաինայի ֆուտբոլի ֆեդերացիայի գործկոմի անդամ։
2011 թվականի սեպտեմբերին սրվել է ֆինանսական ճգնաժամը Լվով ֆուտբոլային ակումբում, ինչի արդյունքում, ակումբի այն ժամանակվա նախագահ Յուրի Կինձզերսկին հայտարարել է, որ պատրաստ է անհատույց տալ ակումբը մեկին, ով պատրաստ է այն ֆինանսավորել։ Եթե այդպիսի մարդ չգտնվեր, ապա Կինձերսկին մտադիր էր հեռացնել թիմին Առաջին Լիգայից[1]։ Սեպտեմբերի կեսերին, տեղեկատվություն է ստացվել, որ ակումբի նոր սեփականատերը գտնվել է, իսկ սեպտեմբերի 23-ին լուծվեցին բոլոր իրավաբանական նրբությունները։ Ուստի սեպտեմբերի 24-ին հայտնի դարձավ, որ Լվովի նոր սեփականատեր է դարձել Յարոսլավ Գրասիոն[2]։
2012 թվականի փետրվարի 1-ին Գրասիոն ներկայացրել է նոր մարզչական շտաբ՝ Վլադիմիր Ժուռավչոկի գլխավորությամբ, ինչպես նաև հայտարարել է, որ նախագահի փոխարեն Լվովի քաղաքականությունը կվարեն չորս ներդրողներ, որոնց անունները չի նշել։
Ընտանիք խմբագրել
Յարոսլավ Անտոնովիչը համարվում է ֆուտբոլիստ Մաքսիմ Գրիսյաի հեռավոր ազգականը։ Յարոսլավ Անտոնովիչի որդիները նույնպես դարձել են մրցավարներ՝ Անդրեյ (1981 թ.) - երկրորդ կարգի մրցավար, դատում է Առաջին Լիգայի մենամարտերը, Յուրի (1974 թ.) - առաջին կարգի մրցավար, դատում է պրեմիեր լիգայի խաղերը։