Մնացական Սարգսյան

Մնացական Պապիկի Սարգսյան (հոկտեմբերի 7, 1956(1956-10-07), Երևան, Հայկական ԽՍՀ, ԽՍՀՄ), ՀՀ արդարադատության երկրորդ դասի պետական խորհրդական (15.02.2008), իրավաբանական գիտությունների թեկնածու (29.10.1991), Բնության և հասարակության մասին գիտությունների միջազգային ակադեմիայի ակադեմիկոս (2002)։

Մնացական Սարգսյան
Ծնվել է	հոկտեմբերի 7, 1956(1956-10-07) (67 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	ԵՊՀ իրավաբանական ֆակուլտետ
Գիտական աստիճան	իրավաբանական գիտությունների թեկնածու
Մասնագիտություն	իրավաբան
Պարգևներ և մրցանակներ

Կրթություն

• 1973 թվականին ավարտել է Երևանի Վլադիմիր Մայակովսկու անվան թիվ 7 միջնակարգ դպրոցը։
• 1980 թվականին ավարտել է Երևանի պետական համալսարանի իրավաբանական ֆակուլտետը։

Աշխատանքային գործունեությունը

• 1973-1975 թվականներին եղել է Երևանի ավտոբեռնիչների գործարանի խառատ։
• 1980-1983 թվականներին Երևանի պետական համալսարանի ԼԿԵՄ կոմիտեի քարտուղարի տեղակալ։
• 1983 թվականին Երևան քաղաքի ՀԼԿԵՄ Մյասնիկյանի շրջկոմի 2-րդ քարտուղար։
• 1983-1989 թվականներին Երևանի պետական համալսարանի ԼԿԵՄ կոմիտեի 1-ին քարտուղար։
• 1983-1989 թվականներին եղել է Երևանի պետական համալսարանի գիտական խորհրդի անդամ
• 1989-1992 թվականներին ՀԽՍՀ, ապա ՀՀ գլխավոր դատախազի ավագ օգնական։
• 1992-1996 թվականներին Հրազդանի միջշրջանային դատախազի տեղակալ։
• 1996-1999 թվականներին Հրազդանի միջշրջանային դատախազ։
• 1999-2004 թվականներին Կոտայքի մարզի դատախազ։
• 2004 թվականին ՀՀ Նախագահի հրամանագրով նշանակվել է ՀՀ գլխավոր դատախազի տեղակալ։ :
• 2013 թվականի հոկտեմբերի 10-ին ՀՀ Նախագահի հրամանագրով ազատվել է ՀՀ Գլխավոր դատախազի տեղակալի պաշտոնից։

Գիտական գործունեությունը

• 1991 թվականին Ռուսաստանի Դաշնության Գիտությունների ակադեմիայի Պետության և իրավունքի ինստիտուտում պաշտպանել է «Երիտասարդության մասնակցությունը պետության և հասարակության կառավարման գործում» թեկնածուական ատենախոսությունը։ Հրատարակել է 9 գիտական հոդված։

Պարգևները

• «Աշխատանքային արիության համար» մեդալ (1987)
• Մխիթար Գոշի մեդալ (26.05.2007 )։

Գրականություն

• Տիգրան Հայազն, Գարեգին Ղազարյան, 1000 հայազգի գեներալներ, ծովակալներ։ Երևան, 2009, էջ 597։