Մկրտիչ Սուջյան
Մկրտիչ Արտաշեսի Սուջյան (սեպտեմբերի 11, 1954[1], Երևան, Հայկական ԽՍՀ, ԽՍՀՄ), հայ ջազային երաժիշտ, կիթառահար։ Ռուսաստանի Դաշնության արվեստի վաստակավոր գործիչ (2009)։
| Մկրտիչ Սուջյան | |
|---|---|
| Ծնվել է | սեպտեմբերի 11, 1954[1] (69 տարեկան) Երևան, Հայկական ԽՍՀ, ԽՍՀՄ |
| Երկիր |  ԽՍՀՄ և  Հայաստան |
| Ժանրեր | ջազ |
| Մասնագիտություն | ջազ երաժիշտ և կիթառահար |
| Գործիքներ | կիթառ |
| Աշխատավայր | Հայաստանի ազգային ռադիոյի էստրադային–սիմֆոնիկ նվագախումբ, Երևանի էստրադային և ջազային արվեստի պետական քոլեջ, Մոսկվայի Գնեսինների անվան երաժշտական ուսումնարան, Հայֆիլհարմոնիա, Նիժնի Նովգորոդի կոնսերվատորիա, Ռուսաստանի Գնեսինների անվան երաժշտության ակադեմիա և Գունեշ |
| Կրթություն | Երևանի Կոմիտասի անվան պետական կոնսերվատորիա (1973) |
| Պարգևներ |  |
Կենսագրություն խմբագրել
1968 թվականին ավարտել է երաժշտական դպրոցի դաշնամուրային բաժինը։ 1968-1973 թթ. սովորել է Երևանի պետական կոնսերվատորիայի դիրիժորական բաժնում։ 1977 թ. սկսել է երաժշտական գործունեությունը երևանյան բազմաթիվ վոկալ-գործիքային նվագախմբերում։ 1979 թ. մեկնել է Աշխաբադ և աշխատել «Փիրուզա» ֆոլկ-ջազ նվագախմբում, որտեղ դարձել է դափնեկիր։ 1981 թ. վերադարձել է Երևան և աշխատել Հայաստանի պետական հեռուստա-ռադիոկոմիտեի էստրադային սիմֆոնիկ նվագախմբում՝ որպես մենակատար և երաժիշտ։ Նվագախմբում 10-ամյա աշխատանքային տարիների ընթացքում ձայնագրել է գրեթե բոլոր հայ կոմպոզիտորների կիթառի գործերը։ Մասնակցել է Երևանի ջազ քոլեջի ստեղծման աշխատանքներին, որտեղ 1981 թվականից դասավանդել է կիթառ։ 1985 թ. և 1987 թ. դարձել է երևանյան, 1986 թ.` թբիլիսյան ջազ փառատոների դափնեկիր։ 1992 թվականից էլեկտրոկիթառ է դասավանդում Մոսկվայի էստրադային և ջազային արվեստի պետական երաժշտական ուսումնարանում։ Մոսկվայի Գնեսինների անվան երաժշտական ուսումնարանյի դասախոս է։ Հյուրախաղերով եղել է ավելի քան 30 երկրներում։ «Մնոգոլիկայա գիտառա» համառուսական մրցույթ-փառատոնի կազմակերպիչն է, տնօրենը և ժյուրիի անդամ։
Ծանոթագրություններ խմբագրել
Արտաքին հղումներ խմբագրել
- Կենսագրությունը Guitarre.ru կայքում (ռուս.)
- Հարցազրույց peples.ru կայքին (ռուս.)