Մի ավանդություն
Հովհաննես Թումանյանի հոդված
«Մի ավանդություն», Հովհաննես Թումանյանի առաջին ելույթը, որն անստորագիր տպագրվել է 1887 թվականի օգոստոսի 15-ին «Նոր դար» թերթի № 136-ում[1]։
Մի ավանդություն | |
---|---|
Տեսակ | հոդված |
Ժանր | հոդված |
Հեղինակ | Հովհաննես Թումանյան |
Բնագիր լեզու | հայերեն |
Հրատարակվել է | 1887 թվական |
Վիքիդարան | Մի ավանդություն |
Մի ավանդություն |
Պատմություն խմբագրել
Հոդվածի մասին տեղեկություն է հաղորդել Ա. Աբովյանը։ Ե. Չարենցի անվան գրականության և արվեստի թանգարանում գտնվող «Իմ հիշատակարանը» ձեռագիր հուշերում նա գրել է.
Թումանյանը առաջին անգամ գրական ասպարեզ մտավ «Նոր-Դար» օրաթերթում՝ մի նամակ տպագրելով Դսեղ գյուղի ընդհանուր նկարագրությամբ և գյուղացիների նիստ ու կացի մասին։ |
Որպես բանաստեղծի ստեղծագործություն՝ առաջին անգամ հրատարակել է էդվարդ Ջրբաշյանը[2]։
Թումանյանի երկեր լիակատար ժողովածուի վեցերորդ հատորում արտատպվել է «Նոր-Դարից»։
Առնչվում է «Քաջերի կյանքից» պատմվածքին։
Արամ Ինճիկյանը «Հովհաննես Թումանյան, կյանքի և ստեղծագործության պատմությունը» մենագրության մեջ անդրադարձել է այս հոդվածին և հիշատակված հուշարձաններին («Սիրուն Խաչ», Բարձրաքաշ Սուրբ Գրիգորի վանք և այլն)[1]։