Միհրան Բաղդասարյան
- Վիքիպեդիայում կան հոդվածներ Բաղդասարյան ազգանունով այլ մարդկանց մասին։
Միհրան Բաղդասարյան (մայիսի 25, 1852, Ստամբուլ, Օսմանյան կայսրություն - ապրիլի 23, 1937), հայ կրթական, մշակութային գործիչ։
Միհրան Բաղդասարյան | |
---|---|
Ծնվել է | մայիսի 25, 1852 |
Ծննդավայր | Ստամբուլ, Օսմանյան կայսրություն |
Մահացել է | ապրիլի 23, 1937 (84 տարեկան) |
Քաղաքացիություն | Թուրքիա |
Ծնվել է Կ. Պոլսում, որտեղ ստացել է նախնական կրթությունը, իսկ Շվեյցարիայում՝ բարձրագույնը։ 1887 թվականին վերադարձել է Պոլիս և նույն թվականին էլ հրատարակել «Առաջնորդ անգլերեն լեզվի» ձեռնարկը։ Ապա պաշտոնավարել է Կարինում, որտեղ բաց է արել Մասյաց վարժարանը։ Թուրքական կառավարության հալածանքների հետևանքով հարկադրված է եղել տեղափոխվել Թիֆլիս։ Հետագայում նորից մեկնել է Պոլիս, ապա՝ Բրուսա, Դամասկոս, իսկ 1891 թվականին ԱՄՆ։ Ամերիկյան թերթերի մեջ հոդվածներ է տպագրել հայկական դատի մասին։ Գրել է «Հայաստան կամ Արարատի երկիրը, նրա անցյալը, ներկան և ապագան» անգլերեն աշխատությունը, որը լույս է տեսել 1892 թվականին և հետագայում վերահրատարակվել է։ 1894 թվականին եկել է Էջմիածին, այնտեղից մեկնել Ուրմի, որտեղ պաշտոնավարել է հայոց դպրոցում։ Աշխատակցել է «Մուրճ» ամսագրին[1]։
Աղբյուրներ խմբագրել
- ↑ Գառնիկ Ստեփանյան (1973). Կենսագրական բառարան, հատոր Ա. Երևան: «Սովետական գրող». էջ էջ 179.