Միլենիում կամուրջ (Կազան)
Անվան այլ կիրառումների համար տե՛ս՝ Միլենիում կամուրջ (այլ կիրառումներ)
Միլենիում կամուրջ (թաթ.՝ Милленниум күпере), ճոպանային կամուրջ։ Կազանի ամենաբարձր կամուրջն է։ Հատում է Վոլգայի վտակ Կազանկան, միացնում է Կազանի Վիշնևսկու փողոցը և Ֆատիհ Ամիխանի պողոտան։ Կազմում է կազանի փոքր օղակի մի հատվածը։
 Милленниум күпере | |
|---|---|
 | |
| Անունով | 1000th anniversary of Kazan? |
| Երկիր |  Ռուսաստան |
| Տեղանք | Կազան, Թաթարստան |
| Նշանակություն | ավտո և հետիոտն երթևեկության համար |
| Տեսակ | կայմապարաններային կամուրջ |
| Հատում է | Կազանկա (Վոլգայի վտակ) |
| Երկարություն | 835 |
| Լայնություն | 28 |
| Բարձրություն | 45 |
| Երթևեկելի գծերի քանակ | 6 |
| Շինարարության սկիզբ | 2004 |
| Բացման տարեթիվ | հուլիսի 29, 2005 |
 | |
 | |
Կառուցվածք խմբագրել
Կամրջի անցման լրիվ թռիչքը 1524 մետր է, որը ներառում է 318 մետր երկարությամբ ճոպանային հատվածը, 517 մետր երկարությամբ հեծանային մասը և ավելի քան 3 կմ մատույցներով 689 մետր երկարությամբ ճանապարհային անցումները։ Կամրջի առանձնահատկությունն է 45 մ բարձրություն և հիմքում 64 մետր լայնություն ունեցող՝ լատիներեն «М» տառի տեսքն ունեցող պիլոնը։ Պիլոնի յուրաքանչյուր կեսի տակով անցնում է երեք երթուղի և հետիոտների համար առանձնացված ճեմուղի ունեցող կամրջի անցում։
Անվանում խմբագրել
Կամուրջը իր անունով պարտական է կազանի 1000֊ամյակին, որի նախօրեին էլ բացվել է։ Պիլոնի լատիներեն «М» տառի տեսք ունենալը կապված է հազարամյակ բառի թաթարերեն (Меңъеллык/Meñyıllıq) և լատիներեն (Millennium) անվանումների առաջին տառին։ Շատ բնակիչներ կամուրջն անվանում են պարզապես «Միլենիում»։
Կառուցում խմբագրել
Կամրջի շինարարությունը սկսել է 2004 թվականին։ Կամրջի առաջին հերթի բացումը տեղի է ունեցել 2005 թվականի հուլիսի 29-ին։ Մինչև երկրորդ հերթի բացումը տրանսպորտային շարժումը իրականացել է մեկ շարքով դեպի քաղաք և երկու շարքով քաղաքի կենտրոնից։ 2007 թվականի օգոստոսի 30-ին բացվել է երկրորդ հերթը։
Շահագործում խմբագրել
2012 թվականին իրագործվել են կամրջի ասֆալտի շերտի վերանորոգման աշխատանքներ։ Վերանորոգման ժամանակ տրանսպորտի շարժումը ժամանակ առ ժամանակ, մասնավորապես կամ լրիվ փակվել է։ Ասֆալտի շերտը փռվել է ըստ նոր տեխնոլոգիայի, արագ՝ րոպեում տասը մետր արագությամբ[1]։
Հետաքրքիր փաստեր խմբագրել
- Մինչև կամրջի շահագործման հանձնելը (1999—2009 թվականներին) օգտագործվել է կից գտնվող պոնտոնային կամուրջը, որը դուրս էր գալիս դեպի Տոլստոյի փողոց։
- Կամրջի կառուցման ծախսերը կազմել են 3,4 մլրդ ռուբլի[2].
- Երկու հերթերի շահագործման արանքում ընկած ժամանակաշրջանում որոշ քաղաքացիներ կամուրջը կատակով անվանում էին «Լինոլեում», քանի որ լատիներեն «М» տառի միայն կեսն էր օգտագործվում երթևեկության համար, իսկ դա նման է ռուսերեն «Л» տառին։
- Պիլոնը լուսավորվում է գիշերը և կամրջի լապտերների հետ միասին քաղաքի գիշերային ամենավառ օբյեկտներից մեկն է։
- Կամուրջը Կազանի ամենահայտնի տեսարժան վայրերից մեկն է։
Պատկերասրահ խմբագրել
Ծանոթագրություններ խմբագրել
- ↑ Ремонт «Миллениума» стартовал раньше объявленного срока | Аргументы и Факты Казань (ռուս.)
- ↑ «Мост "Миллениум" стоимостью 3,4 млрд руб введен в эксплуатацию в Казани». Վերցված է 2010 թ․ հունիսի 25-ին. (ռուս.)