Մեկ ազգ, մեկ բռունցք հուշակոթող

Մեկ ազգ, մեկ բռունցք հուշակոթող;
Տեսակ	հուշարձան և քանդակ
Ստեղծում	2021
Երկիր	Հայաստան
Բնակավայր	Երևան
Շինության ձև	Հուշահամալիր
Ներկա վիճակ	Լավ

«Մեկ ազգ, մեկ բռունցք հուշակոթող», հուշահամալիր Հայաստանի մայրաքաղաք Երևանի Կենտրոն վարչական շրջանի հյուսիս-արևմուտքում՝ Հրազդան գետի աջ ափին։ Նվիրված է 2020 թվականի սեպտեմբերի 27-ին սկսված հայ-ադրբեջանական պատերազմում զոհված հայ զինծառայողներին և Հայաստանի ապագա հաղթանակներին։ Այն Հրազդանի ձորի բացօթյա մարզահրապարակի մաս է կազմում^[1]^[2]։

Պատմություն խմբագրել

Հուշահամալիրի կառուցումը սկսվել է 2021 թվականին Հրազդանի ձորի բացօթյա մարզահրապարակում մարզվողների նախաձեռնությամբ։ Նույն թվականի օգոստոսի 6-ին մեծ հանդիսավորությամբ տեղի է ունեցել բացման արարողությունը, որին ներկա էին ինչպես մարզահրապարակում մարզվողները, այնպես էլ զոհված զինծառայողների հարազատներ, նախկին զինվորականներ և լրատվամիջոցների ներկայացուցիչներ^[1]^[2]։

Ճարտարապետական նկարագիր խմբագրել

Հուշահամալիրը կազմված է երկու կոթողներից։ Գլխավորը սևա-գազարագույն տուֆից քանդակված մեծ չափերի վեր պարզած բռունցնք է, որը խորհրդանշում է Հայաստանի ապագա հաղթանակները։ Բռունցքի գաղափարը վերցվել է հայ գրող Հովհաննես Շիրազի ստեղծագործություններից մեկի տողերից, որն ասում է՝ «Հայեր, բավ է ցրված մնաք մատներիս պես, Բռունցքվելն է հավերժությունն Հայաստանի»։ Տուֆակերտ բռունցքի կողքին տեղադրված է գազարագույն տուֆից պատրաստված հուշատախտակ ժամանակին Հրազդանի ձորի բացօթյա մարզահրապարակում մարզված և պատերազմում զոհված Վարուժան Մաթևոսյանի, Գոռ Սարգսյանի, Խաչիկ Տոնյանի, Վրեժ Պողոսյանի և անհետ կորած Հովհաննես Կարապետյանի (Հայ առաքելական եկեղեցու հայր սուրբ Մկրտիչի) գունավոր նկարները^[1]^[2]։

Պատկերասրահ խմբագրել

Տես նաև խմբագրել

Հրազդանի ձորի բացօթյա մարզահրապարակ

Արտաքին հղումներ խմբագրել

Ծանոթագրություններ խմբագրել

↑ ^1,0 ^1,1 ^1,2 «Ձեզ բացակա չենք դնի․ Հրազդանի կիրճում տեղի ունեցավ «Մեկ ազգ՝ մեկ բռունցք» հուշակոթողի բացման արարողությունը», ([արխիվացված 03.09.20212.]):
↑ ^2,0 ^2,1 ^2,2 «Ձեզ բացակա չենք դնի․ Հրազդանի կիրճում բացվելու է «Մեկ ազգ մեկ բռունցք» հուշակոթողը», ([արխիվացված 03.09.20212.]):

[shamshyan.com_1-1] 1,0 ^1,1 ^1,2 «Ձեզ բացակա չենք դնի․ Հրազդանի կիրճում տեղի ունեցավ «Մեկ ազգ՝ մեկ բռունցք» հուշակոթողի բացման արարողությունը», ([արխիվացված 03.09.20212.]):

[shamshyan.com_2-2] 2,0 ^2,1 ^2,2 «Ձեզ բացակա չենք դնի․ Հրազդանի կիրճում բացվելու է «Մեկ ազգ մեկ բռունցք» հուշակոթողը», ([արխիվացված 03.09.20212.]):

[1]

[2]