Մարտին Կարապետյան

Վիքիպեդիայում կան հոդվածներ Կարապետյան ազգանունով այլ մարդկանց մասին։

Մարտին Նազարի Կարապետյան (մարտի 18, 1960(1960-03-18), Շիրակի մարզ, Հայաստան), ՀՀ ռազմական գործիչ, գեներալ-լեյտենանտ։

Մարտին Կարապետյան
մարտի 18, 1960(1960-03-18) (65 տարեկան) -
Ծննդավայր	Շիրակի մարզ, Հայաստան
Քաղաքացիություն	Հայկական ԽՍՀ
Կոչում	գեներալ

Կրթություն

• 1981 թ. ավարտել է Թբիլիսիի բարձրագույն հրետանային հրամանատարական ուսումնարանը։
• 1994-1997 թթ. սովորել է Սանկտ-Պետերբուրգի Միխայլովի անվան ռազմահրետանային համալսարանում։

Զինվորական ծառայությունը

• 1977-1992 թվականներին ծառայել է ԽՍՀՄ զինված ուժերում. եղել է դասակի, մարտկոցի, դիվիզիոնի հրամանատար։
• 1992 թ. ծառայության է անցել ՀՀ զինված ուժերում և նշանակվել է Ամասիայի շրջանի զինվորական կոմիսար։
• 1992-1994 թթ. մասնակցել է Իջևանի պաշտպանությանը, Քաշաթաղի, Քարվաճառի ազատագրման մարտերին։
• 1997-2000 թթ. - 4-րդ բանակային կորպուսի հրամանատարի տեղակալ - շտաբի պետ,
• 2000-2003 թթ. - 4-րդ բանակային կորպուսի հրամանատար,
• 2003-2008 թթ. - ՀՀ ԶՈւ գլխավոր շտաբի հրթիռային զորքերի և հրետանու վարչության պետ։
• 2008 թ. հուլիսի 15-ին նշանակվել է ՀՀ ՊՆ Վ. Սարգսյանի անվան ռազմական ինստիտուտի պետ։
• 2015 թ. փետրվարի 2-ին ՀՀ Նախագահի հրամանագրով ազատվել է ՀՀ ՊՆ Վ. Սարգսյանի անվան ռազմական ինստիտուտի պետի պաշտոնից՝ իր զեկուցագրի համաձայն։

Կոչումներ

• 2011 թ. սեպտեմբերի 3-ի ՀՀ Նախագահի հրամանագրով շնորհվել է գեներալ-լեյտենանտի զինվորական կոչում։

Պարգևներ

Պարգևատրվել է.

• «Մարտական խաչ» 2-րդ աստիճանի շքանշանով,
• «Հայրենիքի մատուցած ծառայության» 2-րդ աստիճանի մեդալով,
• Արիության մեդալով,
• «Մարշալ Բաղրամյան» մեդալով,
• «Դրաստամատ Կանայան» մեդալով։

Ամուսնացած է, ունի դուստր և որդի։

Նախորդող Գարեգին Գաբրիելյան

ՀՀ ՊՆ Վազգեն Սարգսյանի անվան ռազմական ինստիտուտի պետ Մարտին Կարապետյան 15 հուլիսի 2008 թ. - 2 փետրվարի 2015 թ.

Հաջորդող Արմեն Ղահրամանյան