Մարինա Մարգարյան
Մարինա Միտուշի Մարգարյան (հուլիսի 28, 1957, Երևան, Հայկական ԽՍՀ, ԽՍՀՄ), հայ բժիշկ, ՀՀ նախկին պատգամավոր։ Բժշկական գիտությունների դոկտոր, պրոֆեսոր։
Մարինա Մարգարյան | |
Կուսակցություն՝ | Բարգավաճ Հայաստան |
---|---|
Կրթություն՝ | Երևանի Մխիթար Հերացու անվան Պետական Բժշկական Համալսարան (1980) |
Գիտական աստիճան՝ | բժշկական գիտությունների դոկտոր |
Մասնագիտություն՝ | քաղաքական գործիչ և ատամնաբույժ |
Ծննդյան օր | հուլիսի 28, 1957 (66 տարեկան) |
Ծննդավայր | Երևան, Հայկական ԽՍՀ, ԽՍՀՄ |
Քաղաքացիություն | ԽՍՀՄ և Հայաստան |
Կենսագրություն
խմբագրելՄարինա Մարգարյանը ծնվել է 1957 թվականի հուլիսի 28-ին Երևանում։ 1980 թվականի ավարտել է Երևանի Մ. Հերացու անվան պետական բժշկական ինստիտուտի ստոմատոլոգիական ֆակուլտետը։ 1987թվականին՝ Մոսկվայի կենտրոնական գիտահետազոտական ստոմատոլոգիական ինստիտուտի ասպիրանտուրան։
1980-1988 թթ. աշխատել է Երևանի կայազորային հոսպիտալի բժիշկ - ստոմատոլոգ։ 1988-1989 թթ.՝ ԵՊԲԻ մանկական ստոմատոլոգիայի ամբիոնի ասիստենտ։ 1988-1996 թթ.՝ ստոմատոլոգիական ֆակուլտետի գիտական քարտուղար։ 1994-2006 թթ.՝ ԵՊԲՀ մանկական ստոմատոլոգիայի ամբիոնի դոցենտ։ 2000-2006 թթ.՝ ԵՊԲՀ ստոմատոլոգիական հիվանդությունների կանխարգելման և մանկական ստոմատոլոգիայի ամբիոնի վարիչ։ 2001-2006թթ.՝ ԵՊԲՀ ստոմատոլոգիական ֆակուլտետի դեկան, 2005-2006 թթ.՝ ԵՊԲՀ թիվ 2 համալսարանական ստոմատոլոգիական պոլիկլինիկայի ղեկավար։ 2006-2007 թթ.՝ Հայ և ֆրանսիական քոլեջի ատամնատեխնիկական դպրոցի փոխտնօրեն։ 2007-2008 թթ.՝ ԵՊԲՀ-ի ընտանեկան ստոմատոլոգիայի ամբիոնի, 2009 թվականից՝ թերապևտիկ և ընտանեկան ստոմատոլոգիայի ամբիոնի պրոֆեսոր։ 2011 թվականից ակնաբուժություն, լոռ և ստոմատոլոգիա «025» մասնագիտական խորհրդի գիտական քարտուղար է[1]։
Քաղաքական գործունեություն
խմբագրել2017 թ. ապրիլի 2-ին ԱԺ պատգամավոր է ընտրվել «Ծառուկյան» կուսակցությունների դաշինքի համապետական ընտրական ցուցակով։
Պարգևներ
խմբագրելՊարգևատրվել է ԵՊԲՀ ոսկե (2000-2008 թթ.) մեդալներով, արժանացել է մի շարք պատվոգրերի։
Գիտական գործունեություն
խմբագրել1989 թ. պաշտպանել է թեկնածուական թեզը Կիրովի անվան ռազմա-բժշկական ակադեմիայում, քաղաք Լենինգրադ §Первичная профилактика основных стоматологических заболеваний и ее эффективность у военнослужащих переменного состава советской армии թեմայով 1990 թ. շնորհվել է բժշկական գիտությունների թեկնածուի գիտական աստիճան 2005 թ. պաշտպանել է դոկտորական թեզը ԵՊԲՀ –ում «Мониторинг стоматологической заболеваемости и его роль в разработке программ профилактики для населения Республики Армения» թեմայով 2006 թ. շնորհվել է բժշկական գիտությունների դոկտորի գիտական աստիճան 2006 թ. շնորհվել է պրոֆեսորի գիտական կոչում 2016 թ.-ից առ այսօր Eurasia Oral Patology Project գրանտային ծրագրի ղեկավար[2]
Հեղինակ է բազմաթիվ գիտական աշխատությունների, հոդվածների (130-ից ավել), ունի 7 ռացիոնալիզատորական առաջարկ, և 2 գյուտ, 14 մեթոդական ձեռնարկներ։ Բազմակի անգամ տպագրվել է արտասահմանյան և ՌԴ գիտական հանդեսներում։ Հանդիսացել է 8 գիտական թեզի ղեկավար։
Ընտանիք
խմբագրելԱմուսնացած է, ունի երկու զավակ։