Մարդասիրական օգնության համաշխարհային օր
Մարդասիրական օգնության համաշխարհային օր, տոն, որը հռչակվել է 2008 թվականի դեկտեմբերի 11-ին՝ Միավորված ազգերի կազմակերպության գլխավոր ասամբլեայի A/RES/63/139 բանաձևով։ Նշվում է օգոստոսի 19-ին։ 2003 թվականին Բաղդադում ՄԱԿ-ի կենտրոնակայանում տեղի ունեցած պայթյունի հետևանքով զոհվել է 22 մարդ, որոնց թվում էր նաև ՄԱԿ-ի ականավոր գործիչ Սերժիու Վիեյրա դի Մելլուն[1]։
Նպատակ
խմբագրելԻնչպես ասված Է Գլխավոր ասամբլեայի բանաձևում, հումանիտար օգնության համաշխարհային օրը․
|
կոչված է նպաստելու ամբողջ աշխարհում մարդասիրական օգնության ցուցաբերման գործունեության և այդ կապակցությամբ միջազգային համագործակցության կարևորության մասին հանրության տեղեկացվածության բարձրացմանը, ինչպես նաև այն բանին, որ արժանին մատուցվի ողջ հումանիտար անձնակազմին՝ ներառյալ ՄԱԿ-ի անձնակազմին և նրա հետ կապված անձնակազմին, որոնք նպաստել են մարդասիրական իդեալների կյանքի կոչմանը, և նրանց, ովքեր իրենց կյանքը տվել են ծառայությունը մատուցելու ընթացքում… | 
|
Պատմություն
խմբագրելՄարդասիրական օգնության համաշխարհային օրվա հռչակման կապակցությամբ ՄԱԿ-ի գլխավոր քարտուղարը նշել է, որ այդ օրը կոչված է հիշեցնելու կարիքի մեջ ապրող մարդկանց և նրանց արժանի օգնություն տրամադրելու անհրաժեշտության մասին։
Մարդասիրական օգնության առաջին համաշխարհային օրը, որը նշվել է 2009 թվականին, նվիրված է եղել այն մարդկանց հիշատակին, որոնք զոհվել են մյուսների փրկության ժամանակ։
Կարգախոսներ
խմբագրել- 2016 թվական - «Միասնական մարդկություն»
Ծանոթագրություններ
խմբագրել- ↑ United Nations General Assembly Session 63 Resolution A-63-L.49. World Humanitarian Day A/63/L.49 11 December 2008. Retrieved 2008-12-11.