Մավրոկորդատոյի տուն (Տագանրոգ)
Մավրոկորդատոյի տուն (ռուս.՝ Дом Маврокордато), մեկուկեսհարկանի տուն Ռուսաստանի Ռոստովի մարզի Տագանրոգ քաղաքում։ Մշակութային ժառանգության տարածաշրջանային նշանակության օբյեկտ է՝ համաձայն 1992 թվականի նոյեմբերի 18-ի թիվ 301 որոշման։
 | |
|---|---|
 | |
| Տեսակ | տեսարժան վայր |
| Երկիր |  Ռուսաստան |
| Տեղագրություն | Տագանրոգ |
| Ժառանգության կարգավիճակ | Ռուսաստանի մարզային նշանակության մշակութային ժառանգության օբյեկտ |
 | |
 | |
Հասցեն՝ ք. Տագանրոգ, Հունական փողոց, 101։
Պատմություն
խմբագրելՏագանրոգ քաղաքի Հունական փողոց, 101 հասցեի` ճակատին հինգ պատուհաններով և քարե կիսասյուներ ու որմնասյուներ ունեցող շքամուտքով մեկուկեսհարկանի տունը կառուցվել է 1830-ական թվականներին։ Շենքն ունի ծեփակերտ նախշեր, որմնասյուներ, ներկված է կապույտ, փոքր ճարտարապետական մանրամասները ներկված են սպիտակ։
1870-ական թվականներից տան սեփականատերը եղել է վաճառական Անտոն Սարանդինակին, ապա` հունահպատակ Եկատերինա Միխայլովնա Կալվոկորեսին։ 19 տարեկանում Եկատերինա Միխայլովնան նշանվել է 35-ամյա հույն Միխայիլ Իվանովիչի հետ։ 1867 թվականին, որպես կնքահայր, Կալվոկորեսի ամուսինները Հունական եկեղեցում ներկա են եղել Տեոխորիդի ընտանիքում ծնված որդու` Իվանի անվանակոչմանը և որպես վկա` 1-ին գիլդիայի վաճառական Դմիտրի Ամվրոսիևիչ Նեգրոպոնտեի հարսանիքին։ Վերջինս ամուսնացել էր կոլեգիական ռեգիստրատորի դստեր` Ելենա Նիկոլաևնա Ավիերինոյի հետ։
19-րդ դարի սկզբին տունը որպես սեփականություն ձեռք է բերել հունահպատակ Մատվեյ Ստոմատիևիչ Մավրոկորդատոն։ Նրա հայրը` 1830 թվականին ծնված Ստոմատի Մատվեևիչը, և մայրը` 1841 թվականին ծնված Վիրգինիա Նիկոլաևնան, պսակվել են Հունական եկեղեցում` 1858 թվականի հունվարին։
Հունական փողոց, 101 հասցեի իրենց տունը տերերը հանձնել են վարձակալությամբ որպես բնակարաններ և գրասենյակներ։ 1910-ական թվականներին այստեղ ապրել է երդվյալ հավատարմատար Իվան Իվանովիչ Կորսունը, այստեղ է գտնվել գործարարներ Ստոնի և Վեքսլերի գործակալակոմիսիոն գրասենյակը։ Տագանրոգցի Պուզանովը այդ տան իր կահավորված սենյակներում կազմակերպել է երիտասարդների ժամադրություններ թեթևաբարո կանանց հետ։
Քաղաքում խորհրդային իշխանությունների հաստատումից հետո և մինչև 1925 թվականը շենքը պատկանել է առևտրականներ Մ. Ա. և Յ. Մ. Բերկովիչներին։
Ներկայումս սա բնակելի տուն է մասնավորեցված բնակարաններով։ Մշակութային ժառանգության տարածաշրջանային նշանակության հուշարձան է։
Պատկերասրահ
խմբագրել
Գրականություն
խմբագրել- Гаврюшкин О. П. По старой Греческой... (Хроника обывательской жизни). — Таганрог: Лукоморье, 2003. — 514 с. — ISBN 5-901565-15-0.
Արտաքին հղումներ
խմբագրել- Таганрог ул. Греческая, 101 Արխիվացված 2014-03-25 Wayback Machine