Մաստակի պատ
Մաստակի պատ (անգլ.՝ Gum Wall), տեսարժան վայր Սիեթլում, Մարկետ թատրոնի աղյուսե պատը, որը գտնվում է Փայք Փլեյս մարկետի մոտ, ծածկված է մաստակով։ Պատին մաստակներ կպցնելն սկսվեց 1993 թվականին, երբ թատրոնի այցելուները, հիմնականում ուսանողներ[1], տոմս գնելու հերթում սպասելիս, ձանձրույթից սկսեցին մաստակներով մետաղադրամներ կպցնել թատրոնի պատին[2]։
| Մաստակի պատ Gum Wall | |
|---|---|
_-_1.JPG) Պատը 2014 թվականի ապրիլին | |
| Երկիր | Սիեթլ,  ԱՄՆ |
| Հիմնադրման թվական | 1993 թվական |
 | |
 | |
Ժամանակի ընթացքում մաստակ սկսեցին կպցնել նաև նրբափողոցի այլ շենքերի վրա[3], իսկ մաստակի շերտի երկարությունը հասավ 15 մ-ի, լայնությունը՝ 4.5 մ-ի, իսկ հաստությունը՝ մի քանի դյույմի[1]։ Թատրոնի այցելուները սկսեցին մաստակներով պատկերներ նկարել և գրություններ թողնել[3]։ Կառույցի վարչակազմը սկսեց պայքարել այս երևույթի դեմ և մի քանի անգամ մաքրեց պատը, սակայն արդյունքում՝ 1999 թվականին հանձնվեց։ Այդ օրից պատը դարձավ տեղի տեսարժան վայրերից մեկը[2]։
2008 թվականին պատի մոտ նկարահանվեց «Սերը պատահում է» ֆիլմի դրվագներից մեկը[4]։
2009 թվականին Մաստակի պատը ճանաչվեց ամենահակահիգիենիկ զբոսաշրջային տեսարժան վայրերից մեկը («Պերճախոսության քար»-ից հետո)[1]։
2015 թվականի նոյեմբերին պատը 20 տարվա մեջ առաջին անգամ որոշեցին մաքրել[5]։ Որպեսզի չվնասեն աղյուսե շերտը՝ մաքրման համար կիրառվեց գոլորշի[3]։ Աշխատանքը տևեց մի քանի օր և արդյունքում հեռացվեց ավելի քան 1 տոննա մաստակ։ Մաքրումից հետո պատը կրկին սկսեցին մաստակով պատել, պատկերված առաջին աշխատանքներից մեկը դարձավ 2015 թվականի նոյեմբերի 13-ին տեղի ունեցած Փարիզի ահաբեկչությունների զոհերին նվիրված հուշարձանը[6]։
Պատկերասրահ խմբագրել
-
Պատը 2009 թվականի հուլիսին -
2011 թվականի դեկտեմբեր -
Պատը Սուրբ Վալենտինի օրը, 2013 թ -
Թատրոնի տոմսարկղը -
Գրություն մաստակով -
Մաքրումից հետո, 2016 թվականի մարտ
Ծանոթագրություններ խմբագրել
- ↑ 1,0 1,1 1,2 Stephanie Chen (2009 թ․ հուլիսի 20). «Kissing, chewing — the 'germiest' tourist attractions» (անգլերեն). CNN. Վերցված է 2016 թ․ հունիսի 16-ին.
- ↑ 2,0 2,1 Stuart Eskenazi (2008 թ․ հունիսի 6). «Market lost & found» (անգլերեն). The Seattle Times. Վերցված է 2016 թ․ հունիսի 16-ին.
- ↑ 3,0 3,1 3,2 «В Сиэтле начали чистить «Стену жвачки»» (ռուսերեն). Lenta.ru. 2015 թ․ նոյեմբերի 10. Վերցված է 2016 թ․ հունիսի 16-ին.
- ↑ Kathy Mulady (2008 թ․ մարտի 11). «Movie crews to close streets around Pike Place Market today». seattlepi.com (անգլերեն). Վերցված է 2016 թ․ հունիսի 16-ին.
- ↑ «Pike Place Market's Famous Gum Wall Receives Complete Cleaning» (PDF) (Press release) (English). Pike Place Market Preservation & Development Authority. 2015 թ․ նոյեմբերի 3. Արխիվացված է օրիգինալից (PDF) 2015 թ․ նոյեմբերի 19-ին. Վերցված է 16 июня 2016-ին.
{{cite press release}}: CS1 սպաս․ չճանաչված լեզու (link) - ↑ Evan Bush (2015 թ․ նոյեմբերի 16). «Seattle gum-wall time-lapse: Watch ton of gum disappear in a minute» (անգլերեն). The Seattle Times. Վերցված է 2016 թ․ հունիսի 16-ին.