Մասնակից:Ղուկասյան Քրիստինե/Ավազարկղ6

Մշակույթ և արվեստ

Գրադարաններ

l2012 թվականի հունվարի դրությամբ գործել է 43 գրադարան, 8 գրադարանատեղեկատվական կենտրոն, իրավական տեղեկատվության հանրային 1 կենտրոն։ Ռոստովի Կենտրոնական գրադարանների համալիրի գույքային ֆոնդում ընդգրկված է 47 շենք՝ 11.3 հազար քմ ընդհանուր մակերեսով: Քաղաքային գրադարանների ընթերցողները ավելի քան 200.0 հազար քաղաքացիներ են, նրանց տրվում է տարեկան մոտ 4,5 միլիոն փաստաթուղթ․ գրադարաններ այցելությունների քանակը գերազանցում է 1,5 միլիոնը: Հիմնական ընթերցասերների համակազմը՝ երեխաները և երիտասարդությունը, կազմում է ռոստովյան քաղաքային գրադարանների օգտատերերի ընդհանուր թվի ավելի քան 70% -ը:

Քաղաքի մշակութային խոշոր կենտրոններից մեկը Դոնի պետական ​​հանրային գրադարանն է` մշակույթի և տեղեկատվության բնագավառում տարածաշրջանային մշակութային հաստատությունների շրջանում առաջատարը, քաղաքային գրադարանների աջակցության համակարգում ռեսուրսային կենտրոնը և գրադարանի մասնագետների շարունակական կրթություն ապահովողը: Գրադարանը հիմնադրվել է 1886 թվականի հունվարին՝ 1992 թվականից ստանալով Դոնի պետական ​​հանրային գրադարանի կարգավիճակ: Այստեղ անց են կացվում կինոփառատոներ, գործում են ավելի քան 20 բաժանորդագրություններ և ակումբներ գրադարանի օգտագործողների համար, կազմակերպվում են գեղարվեստի անհատական ​​և հավաքական ցուցահանդեսներ, կիրառական արհեստագործության, մանկական նկարների, լուսանկարչական, գրքերի թեմատիկ ցուցահանդեսներ:

Գրադարանի տեղեկատվական գործունեության ժամանակակից կառուցվածքում առաջատարի տեղը զբաղեցնում են իրավաբանական և գործարար տեղեկատվության կենտրոնները, ակտիվորեն աշխատում է միջազգային տեղեկատվական ռեսուրսների կենտրոնը, որն իր մեջ ներառում է ամերիկյան տեղեկատվական կենտրոնը, ֆրանսիական քանդակագործության սրահը և գերմանական ընթերցասրահը: Կենտրոնը եզակի է գրքերի իր հավաքածուով, պարբերականների, տեսանյութերի, CD- ների և բնօրինակ լեզուներից էլեկտրոնային տվյալների բազաների հավաքագրմամբ:

Խոշորագույններն են Դոնի պետական հանրային գրադարանը, Լենինի անվան քաղաքային կենտրոնական մանկական գրադարանը, Մաքսիմ Գորկու անվան կենտրոնական գրադարանը, Մ. Յու. Լերմոնտովի անվան գրադարանը, Ա․ Ի․ Կուպրինի անվան գրադարանը, Ն․ Կ․ Կրուպսկոյի անվան գրադարանը, Վ.Պ. Չկալովի անվան գրադարանը, Վ. Ա. Զակրուտկինի անվան գրադարանը, Ռոստովի տարածաշրջանային հատուկ գրադարանը՝ նախատեսված կույրերի համար, Ա․ Ս․ Պուշկինի անվան մանկական գրադարանը: