Մասնակից:Գեղամ Ստեփանյան/Ավազարկղ

Աշոտ Գրիգորիի Սարգսյան, () ԼՂՀ մշակույթի, երիտասարդության հարցերի եւ զբոսաշրջության նախարարության աշխատակազմի ազգային փոքրամասնությունների եւ կրոնի հարցերի բաժնի պետ:

Կենսագրություն

Ծնվել է 1958թ. հուլիսի 2-ին Ստեփանակերտ քաղաքում, շինարարի ընտանիքում: Միջնակարգ կրթությունը ստացել է Ստեփանակերտի թիվ 1 միջնակարգ դպրոցում: Դպրոցն ավարտելուց հետո մեկ տարի աշխատել է Ստեփանակերտի թիվ 91 շինվարչությունում` որպես ծեփագործ-ներկարար:

1976-1980թթ սովորել եւ ավարտել է Ստեփանակերտի մանկավարժական ինստիտուտը: Մասնագիտությամբ` ֆիզիկոս է: Որպես ուսուցիչ աշխատել է Խնածախի ութամյա դպրոցում:
1981- 82թթ. ծառայել է ԽՍՀՄ զինված ուժերում:
1982-1992թթ. աշխատել է Ստեփանակերտի կոնդենսատորների գործարանում, որպես էլեկտրոնիկայի գծով կարգաբերող:
1986թ. եղել է «Արցախական միություն» կազմակերպության հիմնադիր անդամներից մեկը:
1987- 1988թթ. եղել է ԽՄԿԿ անդամ, կոնդենսատորների գործարանի կուսկազմակերպության Բյուրոյի անդամ:
1988թ. եղել է Հայոց Ընկերվարական Արցախյան Կուսակցության հիմնադիր անդամներից մեկը:
1989թ. ապրիլի 19-ին, վերաբացված Հայ Յեղափոխական Դաշնակցության Արցախի կազմակերպության հիմնադիր անդամներից է: Մասնակցել է Արցախի ազգային-ազատագրական պայքարին` ստորագարահավաքների կազմակերպման, մարտական ջոկատների ստեղծման, զինման եւ զինատեսակների պատրաստման աշխատանքներին:
1991թ. նոյեմբերի 1-ից մինչեւ 1992թ. մայիսի 25-ը եղել է Ստեփանակերտի ինքնապաշտպանության 6-րդ գոտու հրամանատար: Մասնակցել է Ջամիլու գյուղի ազատագրման ռազմագործողությանը:
1991թ. դեկտեմբերի 28-ին ընտրվել է ԼՂՀ Գերագույն Խորհրդի պատգամավոր:
1993թ. հունվարից աշխատել է ԼՂՀ ԳԽ Մանդատային, մարդու իրավունքների եւ ազգային փոքրամասնությունների հանձնաժողովում, որպես ավագ փորձագետ:
1995թ. ընտրվել է ԼՂՀ Ազգային Ժողովի պատգամավոր եւ 1995թ. մայիս-2000թ. հուլիս աշխատել է որպես ԼՂՀ ԱԺ Մարդու իրավունքների եւ ազգային փոքրամասնությունների հանձնաժողովի նախագահ:
2002թ. դեկտեմբերի 31-ից մինչեւ 2006թ. դեկտեմբերի 31-ը աշխատել է Հայ Առաքելական Եկեղեցու Արցախի թեմի Հոգեւոր քարոզչական կենտրոնում, որպես գլխավոր մասնագետ:
2005-2007թթ. աշխատել է «Ազատ հայրենիք» կուսակցության «Ակունք» պաշտոնաթերթում, որպես խմբագրի տեղակալ: 2007-2015թթ. աշխատել է ԼՂՀ կառավարության աշխատակազմի ազգային փոքրամասնությունների եւ կրոնի հարցերի բաժնի վարիչ:
2015թ. դեկտեմբերի 1-ից աշխատում է ԼՂՀ մշակույթի, երիտասարդության հարցերի եւ զբոսաշրջության նախարարության աշխատակազմի ազգային փոքրամասնությունների եւ կրոնի հարցերի բաժնի պետ: Անկուսակցական է, հայացքներով` ազգայնական: Ամուսնացած է, ունի 4 երեխա:

Այլ տվյալներ. Զինապարտ է, պահեստազորի ավագ լեյտենանտ:

Պարգևներ և շքանշաններ

Պարգևատրվել է ԼՂՀ «Մխիթար Գոշ», Հայ Կաթողիկե Եկեղեցու «Սուրբ Գրիգոր Լուսավորիչ», «Մայրության երախտագիտություն», «ՀՀ Զինված ուժեր, 20-ամյակ» մեդալներով, ԼՂՀ վարչապետի պատվոգրով, Հայ Առաքելական Եկեղեցու Արցախի թեմի առաջնորդի, ԼՂՀ Պաշտպանության նախարարի, ԼՂՀ Մշակույթի և երիտասարդության հարցերի նախարարի, ԼՂՀ «ԱԿԱՀՄ» ՀԿ շնորհակալագրերով:

Գեղամ Ստեփանյան/Ավազարկղ