Ճնճղուկներ (բանաստեղծություն)

«Ճնճղուկներ», Հովհաննես Թումանյանի ստեղծագործություններից մեկը։ Ակունքը ժողովրդական է։ Գրության թվականը հայտնի չէ։ Չի պահպանվել ինքնագիրը։

Ճնճղուկներ
Տեսակ	բանաստեղծություն
Ժանր	Բանաստեղծություն
Ձև	բանաստեղծություն
Հեղինակ	Հովհաննես Թումանյան
Բնագիր լեզու	հայերեն
Գրվել է	հայտնի չէ
Հրատարակվել է	1907 թվական
Վիքիդարան	Ճնճղուկներ

Ստեղծման պատմություն

Հովհաննես Թումանյանի «Ճնճղուկներ» բանաստեղծությունը տպագրվել է Գ․ Սրվանձտյանի «Մանանայում»։ Մեկ այլ տարբերակ հրատարակվել է Կոմիտասի և Մանուկ Աբեղյանի «Հազար ու մի խաղ» ժողովածուում և այլն։

Ստեղծագործությունն առաջին անգամ տպագրվել է 1907 թվականին Լուսաբեր դասագրքի Ա տարիի 78-79-րդ էջերում, այնուհետև՝ 1908 թվականին Լուսաբեր դասագրքի Բ տարիի 114-115-րդ էջերում, ինչպես նաև նույն դասագրքի հետագա տարիների հրատարակություններում։ Այնուհետև ստեղծագործությունը տպագրվել է Երևանում 1940-1959 թվականներին 6 հատորով լույս տեսած Հովհաննես Թումանյանի երկերի ժողովածուի 1-ին հատորի 233-րդ էջում։

Արտատպվում է Լուսաբեր դասագրքի Ա տարիից։