Էդիկ Ղաբուզյան
Էդիկ Արշալույսի Ղաբուզյան (հոկտեմբերի 24, 1952, Գորիս, Հայկական ԽՍՀ, ԽՍՀՄ), հայ տառաստեղծ, դասախոս։
Էդիկ Արշալույսի Ղաբուզյան | |
---|---|
Ծնվել է | հոկտեմբերի 24, 1952 (71 տարեկան) |
Ծննդավայր | Գորիս, Հայկական ԽՍՀ, ԽՍՀՄ |
Քաղաքացիություն | ԽՍՀՄ և Հայաստան |
Կրթություն | Երևանի պետական համալսարան |
Երկեր | Հայկական համակարգչային տառատեսակներ (2004) |
Գործունեություն | Տառաստեղծ |
Պարգևներ և մրցանակներ | «Գրանշան» մրցույթի Առաջին մրցանակ (2008), Մովսես Խորենացու մեդալ (2012) |
Կայք | gheafonts.com |
Կենսագրությունը խմբագրել
1979 թվականին ավարտել է ԵՊՀ Մաթեմատիկայի և մեխանիկայի ֆակուլտետը։ 1987 թվականից նախագծել ու մշակել է շուրջ 300 հայկական տառատեսակ, ինչպես նաև մի շարք լատիներեն, սլավոներեն, հունարեն գրվածքներ[1]։ 2004 թվականին հեղինակել է «Հայկական համակարգչային տառատեսակներ» ալբոմը։ 2007 թվականից ղեկավարում է Հայաստանի ազգային գրապալատի հայկական տառատեսակների պահպանման ու մշակման բաժինը։ 2008 թվականին հիմնել է «Գրանշան» ոչ լատիներեն տառատեսակների ամենամյա մրցույթը։ Մրցույթի կազմկոմիտեի և մրցույթի համաժողովի համանախագահն է։ 2010 թվականից դասախոսում է «Տառարվեստ» Երևանի գեղարվեստի պետական ակադեմիայում։ Նույն թվականին նրա ստեղծած ՂԷԱ Մարիամ ու ՂԷԱ Գրապալատ տառատեսակները Հայաստանի կառավարության սեպտեմբերի 24-ի որոշմամբ[2] ընդունվել են որպես Հայաստանում պաշտոնական գրագրության պարտադիր տառատեսակներ. ներկայացված է 4 ոճով՝ սովորական, թեք, թավ և թավ թեք (Regular, Italic, Bold, Bold Italic)։
Հեղինակած տառատեսակներ խմբագրել
|
|
|
Մրցանակներ խմբագրել
- «Գրանշան» մրցույթի Առաջին մրցանակ (2008),
- Մովսես Խորենացու մեդալ (2012)[3]։
Ծանոթագրություններ խմբագրել
- ↑ Այվազյան, Հովհաննես; Ղազարյան, Հայկանուշ (2015). Հայ գրատպություն և գրքարվեստ։ հանրագիտարան. Haykakan hanragitaran hratarakchʻutʻyun. ISBN 9785897000425.
- ↑ «ԻՐՏԵԿ - Իրավական տեղեկատվական կենտրոն». www.irtek.am. Վերցված է 2019 թ․ հոկտեմբերի 7-ին.
- ↑ «Սերժ Սարգսյանի հրամանագրերով պետական պարգևներ և կոչումներ են շնորհվել. Ցուցակ».
Արտաքին հղումներ խմբագրել
- «Գրանշան» մրցույթի պաշտոնական կայք՝ https://www.granshan.com/