Ձիավոր Հայաստանով

Ձիավոր Հայաստանով (անգլ.՝ Through Armenia on Horseback), Ջ. Հեփվորֆի՝ 1898 թվականին Նյու Յորքում հրատարակված գիրքն է։

Ձիավոր Հայաստանով Through Armenia on Horseback
Հեղինակ	Ջ. Հեփվորֆ
Թեմա	Հայոց ցեղասպանություն
Բնօրինակ լեզու	անգլերեն
Էջեր	424
Հրատարակման վայր	Նյու Յորք
Հրատարակիչ	E.P. Dutton & company
Հրատարակման տարեթիվ	1898
Թվային տարբերակ	archive.org կայքում (անգլ.)]
Լիցենզիա	ազատ

Հեղինակ

Ջ. Հեփվորֆը (1833-1902) ամերիկացի քարոզիչ էր, լրագրող, աշխատակցել է «The New York Herald» թերթին։

Գրքի մասին

Գիրքը ներկայացնում է հեղինակի՝ Հայաստան կատարած ճանապարհորդության նոթերը։ Ճամփորդությունն իրականացվել է համիդյան կոտորածներից հետո, Ջեյմս Բեննետի առաջարկով՝ ուղեկցությամբ Սիդնեյ Ուիտմանի, Կ. Պոլիս - Տրապիզոն - Էրզրում - Բիթլիս - Դիարբեքիր - Զմյուռնիա ուղով։ Ճամփորդության նպատակը եղել է որպես ականատես ներկայացնել Օսմանյան կայսրությունում տիրող իրավիճակը, տալ հայկական կոտորածների մասին ճշմարիտ պատկեր։ Հեղինակն առանձին գլուխներում որպես ականատես նկարագրում է կոտորածներից տուժած հայերի վիճակը, խոսում կոտորածների պատճառներից։ Գրքում անդրադարձ կա նաև կոտորածներից հետո օտարերկրացի միսիոներների կազմակերպած աշխատանքներին, ինչպես նաև՝ Օսմանյան կայսրությունում կրթական կյանքի կազմակերպմանը։ Հեղինակը եզրակացնում է, որ խնդիրն այս կոտորածներով չի լուծվել, որ հարմար առիթի դեպքում անցյալի սարսափները կկրկնվեն։ Գիրքը պատկերազարդ է, ունի ճամփորդության ուղին գծանշող քարտեզ։

Քաղվածքներ գրքից

Իմ պարտքն է համապարփակ ներկայացնել հայկական տարածաշրջանը, որտեղ սարսափելի կոտորածներ են տեղի ունեցել, և ուրվագծել, որքանով դա հնարավոր է, գրեթե բնաջնջված այս ռասայի ներկա վիճակն ու ապագայի հեռանկարները՚։

Բնօրինակ տեքստ (անգլ.)  

“It was my duty to take a bird's – eye view of the Armenian region, where so many horrible massacres have taken place, and to discover, so far as possible, the present condition and future prospects of this nearly exterminated race. ”p. 2

Թուրքը ծայրահեղորեն նախանձում է հային, նախանձում նրա ինտելեկտուալ գերազանցության, շրջահայացության, ձեռներեցության համար… Թուրքն ամեն ինչ կանի, որպեսզի հայերին վտարի երկրից՚։

Բնօրինակ տեքստ (անգլ.)  

“The Turk is extremely jealous of the Armenian, jealous of his mental superiority, of his thrift and business enterprise…. The Turk will do all he can to drive Armenians out of the country.” p. 340

Արտաքին հղումներ

• Գրքի օնլայն տարբերակը Գուգլ Գրքեր կայքում
• Գրքի օնլայն տարբերակը Ինտերնետ արխիվում