Ձայնական զտիչ, բարդ ձայնից հաճախականությունների որոշակի շերտ առանձնացնող սարք։ Էլեկտրական զտիչի ձայնական նմանակն է։ Պարզագույն ձայնական զտիչը Հելմհոլցի ռեզոնատորն է։ Ձայնական զտիչի տեսությունը մշակվել է էլեկտրամեխանիկական նմանակությունների մեթոդով՝ էլեկտրական զտիչների տեսության հիման վրա։ Ըստ թողունակության տիրույթի Ձայնական զտիչները լինում են՝ ստորին հաճախականությունների, վերին հաճախականությունների և շերտային։ Լայնորեն կիրառվում են տեխնիկայում (ներքին այրման և ռեակտիվ շարժիչներում բանած գազի հոսքի ստեղծած աղմուկը պակասեցնելու համար)։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 691 CC-BY-SA-icon-80x15.png