Հոկտեմբերյան կամուրջ (Յարոսլավլ)
Հոկտեմբերյան կամուրջ, ավտոճանապարհային-հետիոտնային կամուրջ Յարոսլավլում՝ Վոլգա գետի վրայով, որը կապում է Հոկտեմբերյան հրապարակը Ուրոչյան փողոցի հետ, Լենինյան և Կիրովյան շրջանները՝ քաղաքի Զավոլժսկի շրջանի, Մոսկվան՝ Վոլոգդայի և Արխանգելսկի հետ։
 Հոկտեմբերյան կամուրջ | |
|---|---|
 | |
| Երկիր |  Ռուսաստան |
| Տեղանք | Յարոսլավլ |
| Տեսակ | կամուրջ |
| Հատում է | Վոլգա |
| Լայնություն | 18 մետր |
| Երթևեկելի մասի բարձրությունը ջրից | 26 մետր |
| Երթևեկելի գծերի քանակ | 2 յուրաքանչյուր կողմում = |
| Շինարարության սկիզբ | 1961 |
| Բացման տարեթիվ | 1966 |
 | |
 | |
Գտնվում է Մոսկվայի հարավային նավահանգստից 519,2 կմ հեռավորության վրա՝ Վոլգա և Կոտորոսլ գետերի միացումից 2 կմ վերև։
Պատմություն
խմբագրելԿամրջի հիմնադրման վայրում քաղաքի կենտրոնական մասի կողմից գտնվել է Պյոտրի և Պավելի եկեղեցին (1691 թվական), որը քանդվել է 1930-ական թվականներին, իսկ մինչև XV դարը՝ Պետրոպավլովյան վանքը (12-րդ դար)։
Կամուրջը կառուցվել է 1961-1966 թվականներին՝ ժամանակավոր անցամիջոցի փոխարեն, Եվգենի Սերգեևիչ Ուլանովի՝ բալետի արտիստուհի Գալինա Ուլանովայի եղբոր նորարարական ծրագրով։ Ըստ կառուցվածքի՝ երկաթբետոնային կամուրջը հավաքովի դետալներով է՝ ամբողջացված սինթետիկ սոսնձի և կապված պարանների օգնությամբ։
Ըստ այդ ժամանակաշրջանի ավանդույթի՝ կամրջի շահագործման հանձնումը զուգադիպել է Հոկտեմբերյան հեղափոխության հիսունամյակին, այդ պատճառով էլ կամուրջը ստացել է «Հոկտեմբերյան» անվանումը։
Ներկայիս վիճակ
խմբագրել
Կամուրջն իր կեսդարյա պատմության ընթացքում չորս անգամ վերանորոգվել է։ Վերջին անգամ վերանորոգվել է 2013-2014 թվականներին՝ փոխարինելով ձևախախտված կարերը, ասֆալտբետոնային ծածկը, լուսավորության հենասյուները, բազրիքային ճաղաշարքերը և կառուցվածքի այլ տարրեր[1][2]։ 2013-2014 թվականների ձմռանը բացվել է կամրջի երթևեկությունը, սակայն արագությունը սահմանափակվել է 40 կմ/ժ -ով։ Կամրջի առանցքային գծով տեղադրվել է ժամանակավոր խոչընդոտող պատնեշ։ Երկու փուլով իրականացված վերանորոգման ժամանակ կամրջի վրայով երթևեկությունը թույլատրվել է միայն հասարակական փոխադրամիջոցներին և հրատապ ծառայության ավտոմեքենաներին։ Վերանորոգումն ավարտվել է 2014 թվականի օգոստոսի 30-ին[3]։
Տես նաև
խմբագրելԾանոթագրություններ
խմբագրել- ↑ Октябрьский мост в Ярославле начнут асфальтировать в ближайшие десять дней
- ↑ На Октябрьском мосту завершается установка новых перильных ограждений
- ↑ «В Ярославле завершен капитальный ремонт Октябрьского моста». Արխիվացված է օրիգինալից 2019 թ․ օգոստոսի 20-ին. Վերցված է 2019 թ․ օգոստոսի 20-ին.