Հայ-ամերիկյան առողջության կենտրոն
Հայ-ամերիկյան առողջության կենտրոն (ՀԱԱԿ, անգլ.՝ Armenian American Wellness Center), Հայ-ամերիկյան մամոգրաֆիայի համալսարանական կենտրոն Հայաստանում։ Ծրագրի նպատակն է խթանել կրծքագեղձի և արգանդի վզիկի քաղցկեղի վաղ և ճշգրիտ հայտնաբերմանը, կանանց համար ապահովել առաջնային առողջապահական ծառայություններ Հայաստանում։
Պատմություն
խմբագրել1997 թվականին ամերիկահայ բարերար, Հայ-ամերիկյան մշակութային միության նախագահ Ռիտա Պալյանի և Հրանուշ Հակոբյանի ջանքերով ստեղծվել է Հայ-ամերիկյան մամոգրաֆիայի համալսարանական կենտրոնը, որը 2002 թվականին վերափոխվել է «Հայ-ամերիկյան առողջության կենտրոն» հիմնադրամի (ՀԱԱԿ)։ Մասնաճյուղ ունի նաև Գավառ քաղաքում[1]։
Կենտրոնի նպատակն է պահպանել, բարելավել մարդկանց առողջությունը, իրականացնել կրծքագեղձի, արգանդի վզիկի, շագանակագեղձի քաղցկեղի կանխարգելման, ոսկորների խտության որոշմամբ կոտրվածքների կանխարգելման ծրագրեր, ինչպես նաև նպաստել ընտանիքի առողջության պահպանմանը, առողջ ապրելակերպի քարոզչության կրթական ծրագրերի միջոցով[2]։
Կենտրոնում գործում են հետևյալ բաժինները՝
- Ռադիոլոգիա (ռենտգեն ճառագայթային և ուլտրաձայնային հետազոտություն)
- Գինեկոլոգիա
- Ոսկրային հյուսվածքի խտության որոշում (դենսիտոմետրիա)
- Ուրոլոգիա
- Վիրահատարան
- Ատամնաբուժարան
- Լաբորատորիա
Շինություն
խմբագրել
Հայ-ամերիկյան առողջության կենտրոնը վեց հարկանի շինություն է, որը կառուցվել է Հայաստանի Կառավարության, ԱՄՆ Միջազգային Զարգացման Գործակալության (USAID) և ԱՄՆ բարերարների օգնությամբ։ Շենքի ճարտարապետա-շինարարական նախագծի հեղինակն ամերիկահայ բարերար Վարդգես Բալյանն է։
Ծանոթագրություններ
խմբագրել- ↑ «Հայ-ամերիկյան առողջության կենտրոն». Արխիվացված է օրիգինալից 2021 թ․ դեկտեմբերի 4-ին. Վերցված է 2021 թ․ դեկտեմբերի 22-ին.
- ↑ «Կրծքագեղձի հիվանդություններն ավելացել են. Մամոգրաֆիայի կենտրոն». Արխիվացված է օրիգինալից 2022 թ․ փետրվարի 11-ին. Վերցված է 2016 թ․ մարտի 11-ին.