Հայոց ցեղասպանության հուշարձան (Կարակաս)
հուշարձան Կարակասում
Հայոց ցեղասպանության հուշարձան, հուշարձան Վենեսուելայի Կարակաս քաղաքի Սուրբ Գրիգոր Լուսավորիչ եկեղեցու տարածքում։
 | |
|---|---|
| Տեսակ | հուշարձան |
| Երկիր |  Վենեսուելա |
| Շինության ձև | Հուշարձան |
| Հիմնական թեմա | Հայոց ցեղասպանություն |
| Ներկա վիճակ | Կանգուն |
Անվան այլ կիրառումների համար տե՛ս՝ Հայոց ցեղասպանության հուշարձան (այլ կիրառումներ)
Պատմություն խմբագրել
Հուշարձանը նվիրված է Հայոց Ցեղասպանության զոհերի հիշատակին։ Կառուցվել է Գոգիկյան, Զարիկյան ընտանիքների և տեղի հայ համայնքի անդամների ջանքերով 2002 թվականի ապրիլի 24-ին։ Հուշարձանին իսպաներենով մակագրված է.
|
Հայ համայնքի կողմից 1915 թվականի ապրիլի 24-ի 20-րդ դարի առաջին ցեղասպանության զոհերի հիշատակին։ Միլիոնավոր տղամարդիկ, կանայք ու երեխաներ անօգնական մահացան` աչքերը հառած իրենց եկեղեցու խաչին, իսկ անողոք թուրքն արմատախիլ էր անում նրանց իրենց բիբլիական Հայաստան երկրից։ Առաջին քրիստոնեական եկեղեցին կառուցվեց Հայաստանում` որպես Քրիստոսի առաքյալների ապաստան։ Այսօր մեր սրտերում ատելություն չկա, այլ միայն սեր միմյանց նկատմամբ։ Այս հուշարձանը մտորումների վայր է, որտեղ մենք հիշում ենք այս ոճրագործության զոհերին, և այստեղ մենք աղոթում ենք, որ նման սարսափելի ոճրագործություններ այլևս երբեք չկրկնվեն։ Հուշարձանը կառուցել ենք Վենեսուելայում, մեր գեղեցիկ նոր հայրենիքում, որը մեզ հյուրընկալեց ու տվեց այն մասնիկը, որ մենք կորցրել էինք։ | 
|