Հայոց ցեղասպանության հուշարձան (Լեեր)

հուշարձան Լեերում

Հայոց ցեղասպանության հուշարձան, խաչքար Գերմանիայի Ներքին Սաքսոնիա նահանգի Օստֆրիսլանդ մարզի Լեեր քաղաքի կենտրոնական հրապարակում։ Տեղադրվել է 2015 թվականի հոկտեմբերի 10-ին։

Picto infobox architecture.png
Հայոց ցեղասպանության հուշարձան (Լեեր)
Khatchkar Leer Germany 1.jpg
Հայոց ցեղասպանության հուշարձան Լեերում, Գերմանիա
Կոորդինատներ53°13′39″ հս․ լ. 7°27′34″ ավ. ե.HGЯO
Գտնվում էԳերմանիա Լեեր
Կառուցվել է2015, հոկտեմբերի 10
Շինության ձևըԽաչքար
Կառուցել էԹովմասյան ընտանիք
Ներկա վիճակըԿանգուն
HS Disambig.svg Անվան այլ կիրառումների համար տե՛ս՝ Հայոց ցեղասպանության հուշարձան (այլ կիրառումներ)

ՊատմությունԽմբագրել

Խաչքարը տեղադրվել է ի հիշատակ հայոց ցեղասպանության զոհերի՝ Հայոց ցեղասպանության 100-րդ տարելիցին[1]։ Խաչքարի վրա քանդակված է՝ «ՀԱՅՈՑ ՄԵԾ ԵՂԵՌՆ, 1915»։

Խաչքարը ստեղծվել է Լեերի միակ հայ՝ Թովմասյան ընտանիքի ջանքերով և ֆինանսավորմամբ։ Նրանց շնորհիվ հուշակոթողը ներառվել է Գերմանիայի պատմամշակութային արժեքների ցանկում։ 2015 թվականի հուլիսի 9-ին Լեերի քաղաքային խորհրդի նիստում խաչքարին տրվել է պետական կարգավիճակ։ Սա առաջին հայկական խաչքարն է Գերմանիայում, որ անցնում է պետական հսկողության ներքո։

Խաչքարի բացման արարողությանը ներկա են եղել Լեերի քաղաքապետ Բեատրիքս Քուլը, նախկին քաղաքապետ Վոլֆգանգ Քելլները, Գերմանիայում ՀՀ դեսպան Աշոտ Սմբատյանը, մարզային խորհրդի ղեկավար Բերնհարդ Բրամլագեն, հայ, գերմանացի և ռուս հոգևորականներ, հասարակական-քաղաքական գործիչներ, մտավորականներ, լրագրողներ, Գերմանիայի հայ համայնքի բազմաթիվ ներկայացուցիչներ[2]։

ՊատկերասրահԽմբագրել

ԾանոթագրություններԽմբագրել