ՀՅԴ Բրազիլիայի տեղական կազմակերպություն

ՀՅԴ Բրազիլիայի տեղական կազմակերպություն;
Իրավ. կարգավիճակ	Գործում է մինչ օրս
Տեղագրություն	Բրազիլիա
Վարչական մարմին	40 անդամից կազմված
Ստորադաս ; կազմակերպություն(ներ)	«Դրո» կոմիտե, Հայկական ակումբ

Հայ հեղափոխական դաշնակցության (ՀՀԴ) Բրազիլիայի տեղական կազմակերպություն, ՀՀԴ-ի Բրազիլիայի մասնաճյուղն է։ Հիմնվել է 1920-ական թվականներին, ունի երկու հիմնական կառույց՝ «Դրո» կոմիտե (նախագահ՝ Ավետիս Չալըքյան) և 1940 թվականից գործող Հայկական ակումբ։ Վերջինս տնօրինում է ընդարձակ տարածք՝ իր շինություններով (հանդիսասրահ, գրադարան, փակ մարզադահլիճ, ֆուտբոլի դաշտ, լողավազան և օժանդակ այլ հարմարություններ)։ Ունի 40 անդամից կազմված վարչական մարմին (նախագահ՝ փաստաբան Կարո Փիլավջյան)։ ՀՅԴ տեղական կազմակերպությունը հանդես է գալիս Հայ դատի պաշտպանությամբ։ Նրա նախաձեռնությամբ են ստեղծվել «Հայաստան» մշակութային ընկերությունը (հրատարակում է «Լրատու» պարբերականը), Հայկական երգչախումբը (հիմնադիր՝ կոմպոզիտոր և ռեժիսոր Վահագն Սինասյան, ղեկավարել է մինչև 1970 թվականը)։

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայ Սփյուռք» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։