Կաքավի ողբը
«Կաքավի ողբը», Հովհաննես Թումանյանի բանաստեղծություններից։ Գրության թվականն ստույգ հայտի չէ։ Ինքնագիրը չի պահպանվել։
Կաքավի ողբը | |
---|---|
Տեսակ | բանաստեղծություն |
Ժանր | Բանաստեղծություն |
Ձև | բանաստեղծություն |
Հեղինակ | Հովհաննես Թումանյան |
Բնագիր լեզու | հայերեն |
Գրվել է | հայտնի չէ |
Հրատարակվել է | 1907 թվական |
Վիքիդարան | Կաքավի ողբը |
Ստեղծման պատմությունը խմբագրել
«Կաքավի ողբը» բանաստեղծության ակունքը ժողովրդական է, երկու տարբեր երգեր են։ Առաջինը տպագրվել է Մ․ Մինասյանի «Քնար հայկական» ժողովածուում, երկրորդը՝ «Մասիսում»։ Թումանյանը միացրել է երկու երգերը, կրճատել, վերադասավորել մի շարք տողեր, փոխել բառեր, առաջին երգի միջնադարյան հայերենը և երկրորդի բարբառը վերածել գրական-ժողովրդական հայերենի, իր կողմից ավելացրել Բ և Դ հատվածները՝ ստեղծելով բոլորովին նոր բանաստեղծություն։
Բանաստեղծությունն առաջին անգամ տպագրվել է 1910 թվականին «Հասկեր» ամսագրի № 12-րդի 141-142-րդ էջերում, «Ժողովրդականից» ենթավերնագրով, այնուհետև, առանց ենթավերնագրի՝ 1922 թվականին Կոստանդնուպոլսում լույս տեսած Բանաստեղծություններ շարքի 141-144-րդ էջերում, «Ժողովրդական երգեր» բաժնում, ապա՝ 1940-1959 թվականներին Երևանում 6 հատորով լույս տեսած Հովհաննես Թումանյանի երկերի ժողովածուի 1-ին հատորի 166-167-րդ էջերում[1]։
Արտատպվում է 1922 թվականին Կոստանդնուպոլսում լույս տեսած Բանաստեղծություններից։
Եղիշե Չարենցի անվան գրականության և արվեստի թանգարանի Թումանյանի ֆոնդի № 1360 պահարանում պահվում է Հասկեր ամսագրի հեղինակի սեփական օրինակը, որի վրա Թումանյանն ուղղումներ է կատարել, որոնք հիմնականում արտահայտել են հետագա հրատարակության մեջ։ Այստեղ վերնագրից վեր մատիտով գրել է.
Սկիզբը՝ «Կաքավի գովքը»։ |
Ծանոթագրություններ խմբագրել
- ↑ Երկերի Լիակատար Ժողովածու, Բանաստեղծություններ, Առաջին հատոր. Երևան: «ՀՍՍՀ ԳԱԱ Մ․ Աբեղյանի անվան գրականության ինստիտուտ». 1988. էջ 625.