Կարմրաթևիկներ (լատին․՝ Phoenicopteri), խոշոր թռչունների կարգ։ Հայտնի է 1 ընտանիք, 3 սեռ, 4 տեսակ։

Արտաքին կառուցվածք խմբագրել

Փետուրներն սպիտակ են, վարդագույն կամ կարմիր երանգով։ Գլուխը փոքր է, կտուցը մեծ, ծնկաձև ցած ծռված։ Ոտքերն ու պարանոցը երկար են։ Առջևի մատները միացած են լողաթաղանթով, ետին մատը փոքր է կամ բացակայում է։ Արուի քաշը մինչև 4 կգ է։ Լավ լողում ու թռչում են։

Բնադրում խմբագրել

Բնադրում են գաղութներով, գետնին։ Բները կառուցում են ծանծաղուտներում։ Դնում են 1-2 ձու, թխսում են էգը և արուն։

Սննդառություն խմբագրել

Սնվում են անողնաշարավոր կենդանիներով, ջրային բույսերով։

Տարածվածություն խմբագրել

Տարածված են առավելապես արևադարձային և մերձարևադարձային երկրներում, մեկ տեսակը՝ սովորական կարմրաթևիկ, նաև ԽՍՀՄ-ում։ Սովորական կարմրաթևիկը երբեմն հանդիպում են նաև Հայաստանում։


Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 336  
 Վիքիցեղերն ունի նյութեր, որոնք վերաբերում են «Կարմրաթևիկներ» հոդվածին։
 Վիքիպահեստն ունի նյութեր, որոնք վերաբերում են «Կարմրաթևիկներ» հոդվածին։